Бүген авыл мәдәният йортында Бөек Җиңүнең 81 еллыгына багышланган тантаналы митинг булд... — 8 мая 2026 г. в 18:56:41.493
Бүген авыл мәдәният йортында Бөек Җиңүнең 81 еллыгына багышланган тантаналы митинг булды. Чарада сугыш чоры балалары, мәктәп коллективы, укучылар, авыл халкы катнашты. Укучылар көче белән әзерләнгән чыгышларда азатлык һәм тыныч күк өчен гомерләрен биргән бабаларыбыз, бүгенге көн геройлары, тыл һәм хезмәт ветераннары искә алынды. Митингта район башкарма комитеты җитәкчесенең беренче урынбасары – Галимуллин Илшат Әхәт улы, авыл җирлеге башлыгы Вафина Рәмзия Рамазан кызы, махсус хәрби операциядән кыска вакытлы ялга кайткан Гарипов Марат Илгиз улы катнашты. Алар үз чыгышларында ветераннарга һәм тыл хезмәтчәннәренә рәхмәт сүзләрен җитерделәр, сугыш чорының бик авыр, зур югалтулар алып килүе хакында сөйләделәр. Митингта катнашучылар Бөек Ватан сугышында һәлак булганнарны 1 минутлык тынлык белән искә алдылар. Чарада шигырьләр, сугыш еллары җырлары яңгырады. Без ата-бабаларыбызның батырлыгы белән горурланабыз. Бүген инде Бөек Ватан сугышын үз күзләре белән күргән ветераннарыбыз арабызда калмады. 81 ел — зур вакыт аралыгы. Әмма Җиңү көне һаман да хәтер, хөрмәт һәм рәхмәт көне булып яши. Бу көн — батырларны искә алу, тарихны барлау һәм нәтиҗәләр ясау көне.