Бүген безнең «Ура, авылга!» проектының икенче көне узды. Һәр көн саен безнең саныбыз ар... — 18 июля 2026 г. в 19:55:20.218
Бүген безнең «Ура, авылга!» проектының икенче көне узды. Һәр көн саен безнең саныбыз арта бара — бүген инде 45 бала идек. Көннең иртәсендә тауга экскурсиягә барырга планлаштырган идек, ләкин һава торышы начарлану сәбәпле, бу фикердән баш тартырга туры килде. Әмма гид үзе безгә килде! Ул — безнең авылның тарихын һәм җәмгыять белемен укыткан элеккеге укытучыбыз Садыкова Роза Миргасимовна иде. Ул балаларга авылыбызның барлыкка килүе, атамасының килеп чыгышы, беренче кешеләр кемнәр булуы турында кызыклы итеп сөйләде. Соңында викторина үткәрде, һәм балаларга татлы бүләкләр таратты. Аннан соң безгә Зиля Ямаева мастер-класс белән килде. Ул молдлар һәм эпоксидлы смола ярдәмендә татар милли стилендәге бизәнү әйберләрен ничек ясарга икәнен күрсәтте. Балалар үзләре өчен дә, гаилә әгъзалары өчен дә матур әйберләр эшләп өлгерделәр. Төштән соң мәктәп территориясенә чыгып, кечкенә пикник оештырдык. 45 бала арасыннан 15е безнең «Үз кулың белән әзерләнгән ризык» мини-бәйгесендә катнашырга булды. Кемдер вәфли, кемдер коймак, кыстыбый, бавырсак, йомырка әзерләгән иде. Без барыбыз бергәләп бүлешеп ашадык, кечкенә бүләкләр дә таратттык аларга. Кичке программа да шулай ук бай булды. Безнең авылдашыбыз Хамитов Алинур үз шәкертләре белән «Көрәш» буенча мастер-класс үткәрде. Ул безгә көрәш кагыйдәләре, судьялык үзенчәлекләре турында сөйләде. Аннан соң Валиева Гөлчәчәк Иргалиевна «Татар жыры» буенча дәрес үткәрде. Без аның белән артикуляцион разминка ясадык, тавышны җылыттык, һәм «Туган як» җырын бергәләп башкардык. Ул үз шәкертләре белән килгән иде, алар безгә үз сәнгатьләрен күрсәттеләр. Көннең иң кызу моменты — татар дискәтүге иде! Без биедек, батллар оештырдык, кем күбрәк хәрәкәтләр күрсәтә алуы буенча ярыштык. Ахырда дискотеканың патшасы һәм патшабикәләре сайланды. Алар булдылар: 👑 Патша — Галлямов Амир 👑 Патшабикәләр — Минибаева Азалия һәм Гәйнетдинова Мәлика! Барлык катнашучылар да бик күңелле вакыт уздырды! Бу искиткеч көнне озак саклап калырбыз. #УраАвылга #Татарстан #Алдынгылар