Төгүрүк түһүлгэ төрүтүн тутан: Сунтаар 3-с орто оскуолата «Олоҥхо дойдутун оһуордаах тү... — 6 мая 2026 г. в 04:07:16.926
Төгүрүк түһүлгэ төрүтүн тутан: Сунтаар 3-с орто оскуолата «Олоҥхо дойдутун оһуордаах түһүлгэтэ» бэстибээлгэ чаҕылхайдык кыттынна. СУНТААР. Улуустааҕы оскуолалар икки ардыларынааҕы «Олоҥхо дойдутун оһуордаах түһүлгэтэ» II бэстибээл-күрэххэ Сунтаар 3-с орто оскуолатын кэлэктиибэ үрдүк таһымнаах бэлэмнээҕин көрдөрдө. Оскуола үөрэнээччилэрэ, учууталлара уонна төрөппүттэрэ биир сомоҕо буолан, бэстибээл хас да хайысхатыгар бастыҥ көрдөрүүлэри ситистилэр. Ордук «Музейнай педагогика» хайысхатыгар нэһилиэк историятын, олохтоох олоҥхоһуттар ааттарын үйэтитиигэ дириҥ ис хоһоонноох үлэлэрин иһин дьүүллүүр сүбэ үрдүк сыанабылын ылыан ылла. Тэрээһин сүрүн ситиһиилэрэ: Төрүт култуура: Оҕолор оһуокайга, тойукка уонна олоҥхо толоруутугар бэйэлэрин дьоҕурдарын чаҕылхайдык арыйдылар. Сомоҕолоһуу: Бэлэмнэнии кэмигэр оскуола бүтүннүүтэ — үлэһиттэртэн саҕалаан төрөппүттэргэ тиийэ — сүбэлэһэн, көннөрсөн, биир киһи курдук үлэлээбиттэрэ кыайыыга кынаттаата. Айар дьоҕур: Быыстапкаҕа туруоруллубут оҕо илиитинэн оҥоһуллубут үлэлэр мандардара көрөөччүлэри сөхтөрдө. «Биһиги кэлэктииппит бу күрэххэ бэлэмнэнэригэр дьиҥнээх сомоҕолоһууну көрдөрдө. Хас биирдии киһи бэйэтин кылаатын киллэрэн, оҕолорбут төрүт тылбытын, үгэспитин умнубаттарын туһугар биир сыаллаах-соруктаах үлэлээтибит», — диэн бэлиэтииллэр оскуола администрацията. Сунтаар 3-с орто оскуолатын иитиллээччилэрэ уонна кэлэктиибэ өссө төгүл «Олоҥхо дойдутун» үрдүк таһымнаах эйгэтин олохтуурга бэйэлэрин кыахтарын бигэргэттилэр.