Быйыл профессор Г.П Башарин аатынан Сылаҥ орто оскуолатын Кыһыл көмүс мэтээлинэн Анита ... — 21 июля 2026 г. в 14:51:33.646
Быйыл профессор Г.П Башарин аатынан Сылаҥ орто оскуолатын Кыһыл көмүс мэтээлинэн Анита Ноговицына, Үрүҥ көмүс мэтээлинэн Ким Ширяев, Айсаана Катакова, Сардаана Иванова бүтэрдилэр.Тимур Тарабукин нуучча тылын БКЭ 81баалга туттаран , үөрэнээччи уонна учуутала Яковлева Е.А.улуус баһылыгын Саргыдаев С.А.бириэмийэтин туттулар. Күндү биһиги выпускниктарбыт, олоххутугар Өрөгөйдөөх кыайыыны-Кыһыл, Үрүҥ көмүс мэтээллэри ситиспиккит эһиги олус күүстээххитин, дьулуурдааххытын, улахан сыаллары ситиһэр кыахтааххытын көрдөрөр, онон өрүү бу өйгүтүн-санааҕытын, таһымҥытын тута сылдьыҥ. Биир дойдулаахпыт, историческай наука дуоктара, профессор Георгий Прокопьевич Башарин, олус кырыымчык, ас –таҥас аҕыйах кэмигэр, оскуоланы, орто уонна үрдүк үөрэҕи, Тоҕус эрэ сылынан, туйгуннук үөрэнэн бүтэрбитэ. Онон кини саха ыччата үөрэххэ уһулуччу кыахтааҕын тус олоҕунан дакаастаабыта. Онон эһиги, бу саалаҕа олорор үөрэххэ уһулуччу ситиһиилээх оҕолорбут, бачча сайдыылаах, баай-талым олоххо өссө үрдүгү ситиһэр кыахтааххытын умнумаҥ!. Бэйэҕитигэр эрэллээх буолуҥ! Биһиги махтанабыт күндү учууталларбытыгар, төһөлөөх сыраҕытын-сылбаҕытын, билиигитин-көрүүгүтүн биэрбиккитин сэрэйэбит эрэ. Махтанабыт күндү төрөппүттэргэ. Сөптөөх суолу тутуһан, дьиэҕэ –уокка сөптөөх эйгэни тэрийэн –бу оҕоҕут олоҕор улахан олук уурбуккутугар. Барыгытыгар баҕарабыт чэгиэн доруобуйаны, таһаарыылаах үлэни, үөрэҕи, дьоллоох, үөрүүлээх олоҕу, эйэлээх, күп-күөх, сып-сырдык халлааны. Уонна Саха саарына профессор Башарин эһиэхэ, эдэр дьоҥҥо анаабыт тылларын умнумаҥ! "Олоххутун норуоккутугар анааҥ- Онтон ордук Үрдүк сыал суох! Норуот дьылҕата–ыччат быһаарыытыгар: Кини булугас өйүгэр, Кини үлэһит илиитигэр Кини өйөһөр түмсүүтүгэр. Наука төрүттэриҥ баһылааҥ. Туйгуннук үөрэнэргэ, үлэлииргэ дьулуһуҥ!"