Үтүө санаа – үтүө дьыала!
Үтүө санаа – үтүө дьыала! Бүгүн оскуолабытыгар олус үөрүүлээх түгэн буолла! Ол курдук оскуолабыт выпускниктарын – Сергей, Мария уонна анал байыанньай дьайыыга олоҕун толук уурбут Василий Павловтар – ийэлэрэ Павлова Христина Николаевна, оскуола оҕолоругар уонна библиотекатыгар «Чуораанчык" уонна "Колокольчик" сурунаалларга биир сыллаах сурутууну оҥорон олус суолталаах бэлэҕи уунна. Бу бэлэх билиигэ-көрүүгэ тардыһар оҕолорго ааҕар дьоҕуру сайыннарарга, саҥа билиини ыларга уонна кэрэхсэбиллээх матырыйааллары кытта билсэргэ улахан көмө буолуоҕа. Маннык сурунааллар оҕолор билиигэ-көрүүгэ тардыһыыларын өссө күүһүрдүөҕэ, ону таһынан оҕо ааҕар баҕатын өссө сайыннарара саарбаҕа суох. Оскуола дьаһалтата, учууталлар, үөрэнээччилэр уонна төрөппүттэр ааттарыттан Христина Николаевнаҕа ис сүрэхпититтэн барҕа махталбытын тиэрдэбит! Эһиги үтүө санааҕыт, оҕону иитиигэ кылааккыт биһиэхэ барыбытыгар холобур буоллун! Барҕа махталбытын тиэрдэбит!