Хәтер вакыттан көчлерәк: татар гимназиясендә радиация һәлакәтләре нәтиҗәләрен бетерүдә ... — 20 апреля 2026 г. в 16:26:11.997
Хәтер вакыттан көчлерәк: татар гимназиясендә радиация һәлакәтләре нәтиҗәләрен бетерүдә катнашучылар көненә һәм шушы һәлакәт корбаннарын искә алуга багышланган тематик линейка узды. Ул Россия Федерациясе, Татарстан Республикасы, Зәй муниципаль районы флагларын чыгарудан һәм Россия Федерациясе, Татарстан Республикасы гимннарын башкарудан башланды. 26 нчы апрель - бу дата дөнья тарихына иң зур техноген һәлакәт — Чернобыль АЭСындагы авария көне буларак мәңгегә язылды. Линейканы алып баручылар укучыларга 1986 нчы елның фаҗигале вакыйгаларын, әлеге афәтнең масштабларын һәм иң мөһиме — кешеләрнең Бөек Батырлыгы турында искә төшерделәр. Линейкада катнашучылар йөзләрчә мең ликвидаторларны бер минут тынлык белән искә алдылар, аларның күбесе киләчәк буыннарны коткару өчен гомерләрен бирде. Без бу датаны истә тотарга тиеш. Һәлак булучыларның батырлыгын истә тоту-рәхмәтле булу дигән сүз. Безнең белән янәшә яшәүче каһарманнарга түбәнчелек белән баш иябез, ә һәлак булганнарга мәңгелек хәтер. Линейка ахырында төрле бәйгеләрдә катнашкан укучыларга грамоталар тапшырылды.