Наум Трифонович Слепцов сырдык аатыгар лицейга дуобат умнуллубат түһүлгэтэ ааста. ...
Наум Трифонович Слепцов сырдык аатыгар лицейга дуобат умнуллубат түһүлгэтэ ааста. Ыам ыйын 21 күнүгэр алын сүһүөх оҕолорун икки ардыгар Аҕа дойду улуу сэриитин бэтэрээнэ Наум Трифонович Слепцов 102 сааһыгар аналлаах дуобат күрэхтэһиитэ үрдүк таһымҥа буолан ааста. Бу тэрээһин 3 «б» кылаас үөрэнээччилэрин бырайыактарын чэрчитинэн тэрилиннэ. Сыл аайы үгэскэ кубулуйбут үтүө үлэ салҕанар: былырыын бу кылаас оҕолоро Наум Трифонович төрөөбүт сиригэр Чөркөөххө сылдьан, устуоруйаны кытта билсэн кэлбиттэрэ уонна алын кылаастарга илиинэн оҥоһуллубут байыаннай техника күрэҕин ситиһиилээхтик ыыппыттара. Тыҥааһыннаах оонньуулар түмүктэринэн маннык кыайыылаахтар быһаарылыннылар: Уолаттарга: Муҥутуур кыайыылаах: Романов Айаал (4 «б» кылаас) 1 миэстэ: Петров Мирон (4 «б» кылаас) 2 миэстэ: Полускин Эрхаан (4 «а» кылаас) 3 миэстэ: Бурмистров Илья (4 «а» кылаас) Кыргыттарга: 1 миэстэ: Эртюкова Айанесса (2 «а» кылаас) 2 миэстэ: Заболоцкая Иванита (3 «а» кылаас) 3 миэстэ: Федорова Эвелина (3 «б» кылаас) Анал ааттар: «Эдэр кыттааччы»: Наумов Саша (2 «а» кылаас) «Эдэр кыттааччы»: Явловская Юлиана (2 «б» кылаас) «Кыайыыга дьулуруун иһин»: Полускин Уйгун (3 «а» кылаас) «Кылбар кыайыы»: Андреева Кэрэчээнэ (4 «а» кылаас) Турнир үрдүк таһымҥа ааһарыгар күүс-көмө буолбут күрэхтэһии спонсордарыгар — 3 «б» кылаас оҕолорун төрөппүттэригэр, кылаас салайааччытыгар Федора Алексеевна Спиридоноваҕа, дуобат уонна саахымат кружогун салайааччытыгар Андрей Петрович Ефимовка, бары кыттыбыт үөрэнээччилэргэ уонна учууталларга махталбытын тиэрдэбит! Кыайыылаахтарга өссө да үрдүк ситиһиилэри баҕарабыт!