Үтүө үгэс ситимэ быстыбат!
Үтүө үгэс ситимэ быстыбат! Сыл аайы А.Е. Мординов аатынан Тааттатааҕы лицей профсоюһун көҕүлээһининэн коллектив эр дьоно аҕа саастаах бэтэрээн үлэһиттэрин кыстык мууһунан хааччыйар үтүө үгэстээх. 💎 Быйыл бу үтүө дьыалаҕа Таатта улууһун “Единый волонтерский центр” тэрилтэтэ «Добролёд» үтүө дьыала акциятын арыйан лицейбит 10-с кылааһын уолаттара эмиэ кыттыыны ылан, бэйэлэрин кылааттарын киллэрдилэр. Ол курдук, алтынньы 27-28 күннэригэр лицейбит эр дьоно уонна үөрэнээччилэрэ аҕа саастаах дьоммутугар, маны таһынан, анал байыаннай дьайыы кыттыылаахтарын дьиэ кэргэттэригэр, барыта холбоон 34 ыалга ыраас, дьэҥкир иһэр уу мууһун бэлэмнээтилэр уонна дьиэлэригэр тиэйэн биэрдилэр.👏🧊🧊🧊 👵🏼👴🏼 Бүгүн, Арассыыйа үрдүнэн бэлиэтэнэр Күндү Эбээлэр уонна Эһээлэр күннэригэр, бу ыраас муус аҕа саастаах дьоммутугар саамай туһалаах уонна үтүө бэлэх буолла! Көмө буолбут лицейбит профсоюһугар, эр дьонугар уонна 10 кылаас уолаттарыгар улахан махтал! 👏🏻👏🏻👏🏻 #Добролед #ТаттинскийЛицей #ДоброРу #ВолонтерыЯкутии