Булуутээҕи оскуола иннинээҕи саастаах оҕолор уьуйааннарын салайааччылара Сунтаардааҕы б... — 8 апреля 2026 г. в 11:12:48.056
Булуутээҕи оскуола иннинээҕи саастаах оҕолор уьуйааннарын салайааччылара Сунтаардааҕы биир идэлээхтэрин кытта уопут атастастылар. Бүгүн, регионнар икки ардыларынааҕы бииргэ үлэлээһин чэрчитинэн, Сунтаар улууһугар Булуу оройуонун уьуйаан салайааччыларын дэлэгээссийэтэ уонна Сунтардааҕы оскуола иннинээҕи үөрэх тэрилтэлэрин салайааччыларын икки ардыларыгар улахан суолталаах көрсүһүү буолан ааста. Тэрээһин бииргэ үлэлээһини бөҕөргөтөргө уонна оскуола иннинээҕи саастаах оҕолору үөрэтиигэ опыттары, бастыҥ үөрүйэхтэри атастаһыыга туһуланна. Көрсүһүүгэ икки өттүттэн салайааччылар, методистар кэлэн, оскуола иннинээҕи саастаах оҕолорго аналлаах тэрилтэлэри сайыннарыыга, оҕону үөрэтии уонна иитии инновационнай ньымаларыгар сыһыаннаах билиҥҥи боппуруостары, иитээччилэри бэлэмнээһиҥҥэ сыһыаннаах боппуруостары дьүүллэстилэр. Ордук болҕомто саҥа бырагыраамалары олоххо киллэриигэ, материальнай-техническэй базаны сайыннарыыга, инникигэ холбоһуктаах бырайыактарга уурулунна. Икки дэлэгээссийэ бэрэстэбиитэллэрэ оскуола иннинээҕи саастаах оҕолорго үөрэхтээһин хаачыстыбатын тупсарарга уонна оҕо сайдыытыгар табыгастаах усулуобуйаны тэрийэргэ көмөлөөх бииргэ үлэлэһии уонна опыт атастаһыыта салгыы бөҕөргүүрүгэр эрэллэрин биллэрдилэр. Оҕолорго табыгастаах усулуобуйаны тэрийиигэ бииргэ үлэлээһин улахан суолталааҕын бэлиэтээтилэр. Көрсүһүү түмүгүнэн, өрүттэр салгыы иһитиннэрии атастаһыытын уонна холбоһуктаах семинардары уонна үөрэтэр сессиялары тэрийэргэ сөбүлэстилэр. Бу көрсүһүү икки ардыларынааҕы сибээһи бөҕөргөтүүгэ уонна оскуола иннинээҕи үөрэхтээһин систиэмэтин сайыннарыыга өссө биир хардыы буолла.