Оскуолабыт тиэргэнигэр ырыа күнэ ыытылынна! — 21 мая 2026 г. в 14:13:54.107
Оскуолабыт тиэргэнигэр ырыа күнэ ыытылынна! Бүгүн, ыам ыйын 21 күнүгэр оскуолабыт тиэргэнэ сахалыы ырыа-тойук доҕуһуолунан туолла. Үөрэнээччилэрбитигэр уонна учууталларбытыгар дьоро күн буолан, "Ырыа күнэ" диэн ааттаах сэргэх тэрээһин ыытылынна. Бу үтүөкэннээх ырыа күнүн Саха Өрөспүүбүлүкэтин култууратын үтүөлээх үлэһитэ, ырыаны-тойугу дьиҥнээхтик сыаналыыр, ыччаты уһуйар Клара Степановна Тихонова иилээн-саҕалаан ыытта. Кини ырыаҕа ыҥыран, дьону-сэргэни түмэн, кэнсиэри чаҕылхайдык тэрийдэ. Ырыалары баянынан Саха Өрөспүүбүлүкэтин култууратын туйгуна, биллиилээх мелодист Иван Степанович Иванов доҕуһуоллаата. Кини тыыннаах толоруута биэчэргэ ураты тыыны биэрдэ. Тэрээһиҥҥэ "Дуораан" ансаамбыл кэлэн, дьикти ырыалары бэлэхтээтэ, мустубут дьону барыларын үөртэ-көтүттэ. Ону таһынан, оскуолабыт оҕолоро араас ырыалары ыллаан, бэйэлэрин дьоҕурдарын көрдөрдүлэр. Оҕолор толоруулара мустубут дьон биһирэбилин ылбыта, кинилэр инникитин да айа-тута үүнэллэригэр күүс-көмө буолла. Бу ырыа күнэ оскуолабыт олоҕор ураты бэлиэ түгэнинэн буолла. Маннык тэрээһиннэр оҕолору айымньылаах дьарыкка көҕүлүүллэр, сахалыы култуураҕа тапталы иҥэрэллэр, биир санааланыыга уонна үөрүүгэ түмэллэр.