МБОУ "Тулунинская СОШ им. П.В. Аммосова" Усть-Алданский улус РС(Я)
Образование · 10 апреля 2026 г.
🔥 Тулунаҕа ГТО былаһаакката арылынна — 10 апреля 2026 г. в 08:28:06.390
🔥 Тулунаҕа ГТО былаһаакката арылынна 2026 сыл Тулунаҕа Спорт сылынан биллэриллэн, олохтоохтор тустаах сылга элбэх былааннаах үлэҕэ туруммуттара. Бүгүн, муус устар 10 күнүгэр, 2-с Лөгөй нэһилиэгэр үөрүүлээх күн тосхойон Спорт сылыгар дьоһун бэлэх буолла. Федеральнай бырайыагынан тутуллубут ГТО былаһааккатын үөрүүлээх арыллыытыгар аалай лиэнтэни СӨ спорка уонна физическэй культураҕа миниистирэ Леонид Спиридонов, Ил Түмэн депутата Геннадий Васильев, улуус баһылыга Василий Алексеев, нэһилиэк баһылыга Петр Бурнашев, РФ уопсай үөрэхтээһинин бочуоттаах үлэһитэ, ветеран спортсмен Раиса Троева, оскуола үөрэнээччитэ, туйгун спортсмена Албан Гоголев быстылар. Бу күн бэлиэ түгэнинэн СӨ спорка уонна физическэй культураҕа миниистирэ Леонид Спиридонов нэһилиэк олохтооҕор Василий Васильевка "СӨ спордун ветерана" бочуоттаах бэлиэни туттарыыта буолла. Бу саҥа былаһаакка оҕо эт-хаан өттүнэн сайдыытын түстүүр, чөл олоҕу тарҕатар киининэн буолуоҕа итиэннэ манна оскуола араас спортивнай тэрээһиннэрэ ыытыллыахтара. ✅ @uamurusahargata @ulusmedia