Муус устар 11 күнүгэр Покровскай 1№-дээх орто оскуолатыгар “Оҕону сахалыы иитии – омук ... — 13 апреля 2026 г. в 00:56:51.872
Муус устар 11 күнүгэр Покровскай 1№-дээх орто оскуолатыгар “Оҕону сахалыы иитии – омук инникитэ” диэн улуустааҕы төрөппүт мүнньаҕа ыытылынна. Мунньах сыала: 1. Оҕону иитиигэ дьиэ кэргэн уонна оскуола, уһуйаан бииргэ үлэлээн, сахалыы өйү-санааны, тылы-өһү, сиэри-туому оҕо ийэ кутугар иҥэрии; 2. Дьиэ кэргэн иһигэр сахалыы саҥаны кэҥэтии; 3. Төрөөбүт ийэ тыл уонна төрөөбүт ийэ дойду быстыспат ситимнэрин өйдөтүү. Кэпсэтиигэ кыттыыны ыллылар: Ноговицына А. Н. – "Күөрэгэй"түмсүү, төрөппүт; Заморщикова Н. Ю. – Ил Түмэн дьокутаата, урбаанньыт; Степанов Борислав – блогер; Николаева Уйгулаана – Сай Саха, блогер; Сивцева Елизавета Иннокентьевна – үрдүк категориялаах невролог-быраас; Кожурова Айыына – блогер, оҕо саас амбассадора, Блогема-2024 Арассыыйатааҕы бириэмийэҕэ "Бастыҥ оҕо блогер" номинация кыайыылааҕа; Кожурова Майя Александровна – Айыына ийэтэ, фотограф, учуутал; Цыпандина Юлия Иннокентьевна – клиническэй психолог, нейропсихолог; Шамаева Л. П. – Айыы Кыһата оскуола дириэктэрэ. Мунньаҕы тэрийдилэр: Хаҥалас улууһун үөрэҕирии тэрилтэтин салалтата; Улуустааҕы саха тылын уонна литературатын учууталларын методическай холбоһуга; Покровскай 1№-дээх орто оскуолатын кэллэктиибэ; “Ийэ тыл” уопсастыбаннай түмсүү. 150 төрөппүт араас оскуолаттан кэлэн кыттыыны ылла.