МБОУ Тумульская средняя общеобразовательная школа имени Героя Социалистического труда Т.Г.Десяткина
Образование · 8 июня 2026 г.
"Эрчим" үлэ - сынньалаҥ лааҕыра бэс ыйын 8 күнүттэн үлэтин саҕалаата, уопсайа 30 оҕо ла... — 8 июня 2026 г. в 04:27:58.119
"Эрчим" үлэ - сынньалаҥ лааҕыра бэс ыйын 8 күнүттэн үлэтин саҕалаата, уопсайа 30 оҕо лааҕырга сылдьар. Сүрүҥ хайысханан оҕолор күрүө тутуутугар уонна сайылыкка ньиирэй көрүүтүгэр, ынах ыаһыныгар сылдьыахтара, ону таһынан 5 баҕалаах оҕо "Туой тойуга" туойунан оҥоһукка Парасковья Егоровна Лебедева салайааччылаах күнүскү лааҕырга сылдьыахтара. Лааҕыр арыллыытын үөрүүлээх чааһыгар оскуолабыт дириэктэрэ Владислав Николаевич Кисиляхов, ТХПК "Тумул" салайааччыта Таисия Васильевна Десяткина, лааҕыр начальнига Петр Федорович Попов оҕолорго бэйэлэрин алгыс тылларын эттилэр. Үлэ кэмигэр сэрэхтээх буолуу туһунан кэпсээтилэр. Оҕолорбут үлэһит андаҕар тылын эттилэр -“Үөрүүнэн үлэлиэм, доҕотторбор көмө буолуом, лааҕыр быраабылатын тутуһуом! Андаҕайабын! Андаҕайабын! Андаҕайабын! Салҕыы оҕолор икки этэрээдкэ арахсан бэйэлэрэ аат,девиз толкуйданан этэрээттэрин билиһиннэрдилэр. Ол курдук 1 этэрээт "Мохсоҕолллор" хамандыырдара Айсен Кисиляхов, девизтара: - Меньше слов, больше дела! 2 этэрээт "Пионеры" хамандыырдаара Руслан Эверстов, девизтара: - Всегда готовы! Больше дела, меньше слов! "Своя игра" интерактивнай оонньуу оонньотулар, ооньуу түмүгэр "Пионеры" этэрээт кыайыылаҕынан таҕыста. Үөрүүлээх чааспытын минньигэс остуолга чэйдээн түмүктээтилэр. Былырыын үлэ лааҕырыгар 25 оҕо сылдьыбыта. Оҕолор уопсайа 1.5 км күрүөнү туппуттара. Быйылгы былааҥҥа 2.5 км тутуллара күүтүллэр. Бу сайыҥҥы күннэргэ биһиги лааҕырбытыгар күүтэллэр элбэх саҥа доҕордоһуу уонна туһалаах бириэмэ атаарыта! Бүгүн биһиги үлэбит лааҕырын алыптаах айаныгар турунабыт! Үгүс үөрүүлээх, таһаарыылаах үлэлээх кэм буолуо диэн эрэнэбит! Хас биирдии лааҕырга сылдьар күммүт умнуллубат кэрэ кэмнэри түгэннэри бэлэхтээтин!