“Алыптаах Мааска. Оҕолор” - 2026 тыйаатыр эйгэтигэр көрөөччүлэри угуйар. — 22 апреля 2026 г. в 00:25:40.110

“Алыптаах Мааска. Оҕолор” - 2026 тыйаатыр эйгэтигэр көрөөччүлэри угуйар.        Бу дьыл муус устар 15-16 күннэригэр  “Бартыһаан” норуот айымньытын театральнай киинигэр “Алыптаах Мааска. Оҕолор” - 2026  улуустааҕы оскуолалар тыйаатыр - устуудьуйаларын ортотугар көрүү-күрэх буолан ааста. Кыттыыны ыллылар: Түбэй- Дьаархан С.А. Зверев аатынан орто оскуолатын (дир. Григорьева И.Г)  “Аман Өс” тыйаатыр- устуудьуйата. “Эбирчээнэ куурусса” нуучча норуотун остуоруйатынан матыыптарынан остуоруйа – испэхтээк. Салайааччылар: Александрова А.К., Петрова Т.Д., Егорова М.С. ;Г.Е.Бессонов аатынан Тойбохой орто оскуолата (дир.Уаров П.П.). «Кэнчээри» тыйаатыр- устуудьуйа. Н.Г. Золотарев - Н. Якутскай «Алмааһы көрдөөччүлэр” айымньытынан  “Сайдыы суолунан ”испэхтээк.  Салайааччылар: Васильева Е.В., Николаев С.В., Винокурова С. Е.; И.А. Дорофеев аатынан Маар – Күөл орто оскуолата (дир. Тотонова Л.С.),  Э. Соколов- Тулусхан кэпсээнинэн “Чыпчылыйыах түгэннэр” испэхтээк.  Салайааччы Эверстова Т.В.; Сунтаар В.Г. Павлов аатынан алын сүһүөх оскуолата (дир. Еремеев Г.М.). Н. Заболоцкай “Болот моһуогуруута» испэхтээк. Салайааччылар: Герасимова Т.И., Кларова А.А., Лукина И. Н.; В.Г. Акимов аатынан Бүлүүчээн лицей – интерната (дир. Степанов В.В.). «Маччаҕа» номох – испэхтээк. Николаева М.Н, Сидорова А.А.;А.К. Акимов аатынан  Күүкэй орто оскуолата (дир. Алексеев Е.И.). А. А. Иванов – Күндэ “Тыа үөһүгэр” испэхтээк. “Ситим” тыйаатыр устуудьуйа.  Салайааччы Фефелова Н.А.; Л. Попов аатынан Арыылаах агрохайысхалаах орто оскуолата (дир. Никитина Л.Г.). Н.М. Петров  “Ол үйэлэр дуорааннара»  романынан “Хоһууну уһуйуу”.  “Кэрэл” тыйаатыр – устуудьуйа. Салайааччы Григорьева Ф.И.;Бордоҥ орто оскуолата (дир. Максимов М.А.). Б. Васильев “А зори здест тихие” сэһэнинэн  “Саһарҕа нуурал чуумпута”. «Ситим» тыйаатыр – устуудьуйа. Салайааччылар: Петрова Л. Г., Никитина А.М.;Н.М. Родионова аатынан  Сунтаардааҕы оҕо дьоҕурун сайыннарар киин (дир. Антонова А.В.). А.Иванов - Күндэ кэпсээнинэн “Иэдээннээх баҕа”. “Кэрэмэс” тыйаатыр – устуудьуйа. Салайааччы  Игнатьева Т.И.; И.Г.Спиридонов аатынан Кириэстээх политехническай орто оскуолата (дир.Тараяров Е.Б.) , А.Н. Толстой “Буратино” остуоруйатынан испэхтээк. “АртИст”тыйаатыр – устуудьуйа. Салайааччы Макаринская Ж.А. Көрүү - күрэххэ  10 тыйаатыр устуудьуйа 10 испэхтээги көрдөрдө,  141 оҕо оонньоон кытынна, 17 педагог-салайааччы.   Дьүүллүүр сүбэ хас  биирдии көрдөрүү-испэхтээккэ оонньообут оҕолору, салайааччылары мунньан, атах тэпсэн олорон киэҥ ырытыылары оҥордулар, суолталаах сүбэлэри биэрдилэр. Устуудьуйалар быйылгы көрдөрбүт испэхтээктэрэ былырыыҥҥытааҕар таҺымнара лаппа үрдээбитин тоҺоҕолоон бэлиэтээтилэр. Инникитин ыйыллыбыт итэҕэстэри көннөрөн нэһилиэктэригэр көрдөрөн тыйаатыр ускуустубатыгар көрөөччүлэри угуйа, бу курдук салгыы атын даҕаны айымньылары туруоран көрдөрөн көрөөччүлэрин биҺирэбилин ыла туруохтара  диэн эрэллэрин тириэртилэр.Көрүү-күрэх барыта 15 номинациялаах. Дьүүллүүр сүбэ, суол сабыллыбытынан сибээстээн, түмүгү ыам ыйыгар номинациялары туттарыы улахан  Үөрүүлээх түһүлгэтигэр биллэриэҕэ.Ити курдук, «Алыптаах мааска. Оҕолор» - 2026  олус ситиһиилээх түмүктэрдээх буолла. Сунтаар улууһун оскуолаларын тыйаатыр устуудьуйалара олус үчүгэй айымньылары көрдөрөн көрөөччүлэрин куруук маннык үөрдэ- көтүтэ уонна  үүнэ – сайда турдуннар!                Ирина Митина, «Алыптаах Мааска. Оҕолор» бырайыак иккис ааптара,     СӨ култууратын туйгуна.