#День_национального_костюма
#День_национального_костюма #Милли_кейем_милләт_күрке #МиллиКейемКөнө2026 #ДеньНациональногоКостюма Милли кейем — халыҡтың эске булмышының сағылышы. Кеше үҙенең күңел донъяһын кейеме аша асып бирергә ынтылһа, милләттең дә йәшәү рәүеше, көнкүреше, эске донъяһы — тышҡы ҡиәфәтендә сағыла. Шуға ла боронғо замандарҙан алып кешегә бер ҡараш ташлау менән, уның ниндәй милләттән икәнен билдәләп булған. Башҡорттоң иһә күңел байлығы сигеү-нағышта, мәрйендән селтәрләп яһалған биҙәүестәрҙә, көмөшкә сүкеп һалынған биҙәктәрҙә сағылған. Ураҙ ауылының «Яйыҡ һылыуҙары» халыҡ фольклор ансамбле ағзалары, халыҡтың йолаларын, ғөрөф-ғәҙәттәрен кейемдәре аша тергеҙеп кенә ҡалмай, ә уны йәш быуынға ла тапшыра. Улар лицей уҡыусыларын башҡорт милле кейеме менән таныштырып, йырлы күстәнәстәр менән бүлеште. Милли кейемдә йөрөү, кейем тарихы менән ҡыҙыҡһыныу— халыҡтың үткәнгә мөнәсәбәте үҙгәреүен күрһәтә. Бынан тыш, милли кейем — ул тәрбиә сараһы ла. "Уны кейгән саҡта кеше үҙен башҡа, юғарыраҡ рухи кимәлдә тоя", -ти "Яйыҡ һылыуҙары". Күркәм сараны ойоштороусылар Айгөл Фәнүз ҡыҙы һәм Гөлназ Камил ҡыҙына, ҡунаҡ апайҙарға оло рәхмәтебеҙҙе белдерәбеҙ!