Габдулла Тукайның тууына 140 ел тулу уңаеннан мәктәбебездә төрле чаралар үткәрелә. Төп ... — 24 апреля 2026 г. в 11:20:14.286
Габдулла Тукайның тууына 140 ел тулу уңаеннан мәктәбебездә төрле чаралар үткәрелә. Төп максатыбыз: Тукай иҗатына хөрмәт, туган телгә, әдәбиятка һәм милли традицияләргә мәхәббәт уяту булып тора. Мәктәп сыйныфларында тематик сәгатьләр үткәрелде. Укучыларыбыз бөек шагыйребезнең әсәрләре буенча төшерелгән мультфильмнар карадылар. Бүген мәктәбебездә Тукай- безнең йөрәкләрдә!" исемле әдәби - музыкаль кичә узды. 5-9 сыйныф укучылары әдипнең “Шүрәле”, “Кәҗә белән Сарык”, “Су анасы”, “Бала белән күбәләк” әкиятләрен сәхнәләштерделәр, шагыйрьнең тормышы, иҗаты, аның татар әдәбиятындагы әһәмияте турында яңа мәгълүматлар җиткерделәр. Балалар әкият геройлары белән бергә серле дөньяларга сәяхәт иттеләр, шигырьләрнең матурлыгын һәм тирән мәгънәсен тоя алдылар. Шулай ук “Тукай безнең йөрәкләрдә” дип исемләнгән китап күргәзмәсе оешырылды, укучылар Габдулла Тукайның иҗаты һәм китаплары белән якыннан таныштылар. Тукай — ул безнең горурлыгыбыз, милләтебезнең йөзек кашы. Аның әсәрләре һәрвакыт актуаль, алар безне әдәпкә, тырышлыкка һәм туган телебезне яратырга өйрәтә.