Истиҥ эҕэрдэ, ытыктабыллаах Николай Николаевич! 🎉🥰😍😘🌟🌟🌟 — 30 августа 2026 г. в 11:27:39.420
Истиҥ эҕэрдэ, ытыктабыллаах Николай Николаевич! 🎉🥰😍😘🌟🌟🌟 Бугун үөрэх эйгэтин улахан түһүлгэтигэр — атырдьах ыйынааҕы мунньахха — Саха Республикатын учууталларын учууталлара буолбуккунан итиитик-истиҥник ис сүрэхтэн эҕэрдэлиибит! Үөрэх Министрын солбуйааччы Нь.М. Павловтан «УЧИТЕЛЬ УЧИТЕЛЕЙ РЕСПУБЛИКИ САХА (ЯКУТИЯ)» диэн үрдүк наҕарааданы тутуу — бу эн хас да сыллаах сыралаах үлэҥ, бэриниилээх сулууспаҥ уонна муҥура суох тапталгын уурбут идэҥ дьиҥнээх сыанабыла. Бу знагы республикабыт бастыҥ педагогтарыгар эрэ туттараллар, онон бу наҕараада ордук күндү. Николай Николаевич опытыгар олоҕуран тирэҕирэн: * *Элбэх көлүөнэ үөрэнээччи* билиигэ-көрүүгэ тардыһар сырдык аартыгын арыйда, олоххо бигэ тирэҕин булла. Эн оскуола боруогун атыллыыр оҕоттон саҕалаан, устудьуон, исписэлиис буолар суолларыгар сирдээтиҥ, элбэх физкультурнигы, педагогтары иитэн таһаардыҥ * *Биһиги коллективпыт*, эдэр коллегаларбыт мэлдьи Эйигин чулуу наставник быһыытынан холобур оҥостоллор. Эн профессиональнай сатабылгынан эрэ буолбакка, киһи быһыытынан үтүө хаачыстыбаларгынан — сэмэй майгыгынан, сиэрдээх тылгынан-өскүнэн — барыбытын угуйаҕын. * *Саха кэскилин* — оҕолорбут эт-хаан өттүнэн сайдыыларын, өйдөрүн-санааларын, куттарын-сүрдэрин байытаҕын, төрөөбүт дойдуга тапталы иҥэрэҕин. Төрүт үгэстэрбитин, историябытын, тылбытын-өспүтүн үйэтитиигэ киллэрэр сүҥкэн кылааккын хайдах да умнубаппыт. * *Саҥаттан саҥа методика*, инновация уруоктаргар-дьарыктаргар куруутун баар. Билигин да эн үөрэтэр ньымаларыҥ атын учууталларга методическай холобур буолан, улууска, республикаҕа тарҕаналлар. Эн биһиэхэ үөрэҕи эрэ буолбакка, олох киэҥ аартыгар үктэл биэрэр, чиҥ билиини таһынан киһи быһыытынан бастыҥ хаачыстыбалары иитэр улуу Учуутал буолаҕын. Хас биирдиибитигэр сурэхпитигэр баар истиҥ махталбыт, тапталбыт туоһута буолар бу наҕараада өссө да үрдүктэн үрдүк ситиһиилэргэ кынаттаатын! Өссө төгүл итии-истиҥ эҕэрдэни кытта бар дьонуҥ, үөрэнээччилэриҥ, коллегаларыҥ! ✊🏼👏🏼