Бүген 4 нче сыйныф укучылары өчен мәктәптә Соңгы кыңгырау чыңлады. Икенче уку елын ала... — 27 мая 2026 г. в 16:40:02.712
Бүген 4 нче сыйныф укучылары өчен мәктәптә Соңгы кыңгырау чыңлады. Икенче уку елын алар башка мәктәптә белем алачаклар. Алар башлангыч мәктәп белән, мәктәп юлының беренче, иң мөһим этабы белән саубуллашалар. Аларга иң элек мәктәп директоры Әхмәтова Ләйсә Шәһит кызы хәер-фатихасын бирде, изге теләкләрен җиткереп, 4 сыйныфны тәмамлаган Азалия белән Максимга – уңышлар, башка укучыларга имин яллар теләде. Шулай ук Зәй-Каратай авыл җирлеге башлыгы Идиятова Миләүшә Исхак кызы һәм “Тамырлар” фонды директоры Туйкин Марат Нур улы да матур теләкләрен җиткерделәр. Марат Нурович мәктәпнең алдынгы укучыларына “Туйкиннар” премиясен һәм истәлек бүләкләре тапшырды. Әти-әниләрнең да күңел түрендә йөрткән җылы сүзләре бар иде Укучылар да, рәхмәт йөзеннән, матур җырларын, биюләрен, шигырьләрен һәм чәчәк бәйләмнәре бүләк иттеләр. Хәзер безнең башлангыч мәктәпне тәмамлаучыларны яңа, тагын да кызыклырак бүлек көтә! Урта звенога күчү җиңел булсын, ә уку бары тик шатлык һәм яңа җиңүләр генә алып килсен!