Кэлэн иһэр кэрэ аҥаардар күннэрин чэрчитинэн кулун тутар 5 күнүгэр оскуолабытыгар алын ... — 7 марта 2026 г. в 05:37:34.794
Кэлэн иһэр кэрэ аҥаардар күннэрин чэрчитинэн кулун тутар 5 күнүгэр оскуолабытыгар алын сүһүөх кыргыттарыгар «Мин минньигэс аһым» хамаанданнан ас астааһынын күрэҕэ ыытылынна. Уопсайа 3 хамаанда кытынна. Ону таһынан улахан кылаас үөрэнээччилэрэ Григорьева Нарыйаана – 9 кылаас үөрэнээччитэ, Григорьева Харитина – 9 кылаас үөрэнээччитэ, Симакова Мария – 11 үөрэнээччитэ маастар кылаастары көрдөрдүлэр. Күрэх түмүгүнэн 1 кылаас үөрэнээччилэрэ Григорьева Владианна, Ноговицына Милана – муҥутуур кыайыылаах буоллулар. Терентьева Виолетта, Николаева Анастасия 3 кылаас үөрэнээччилэрэ – иккис миэстэ буоллулар. Герасимова Сайаара, Соловьева Сандаара 4 кылаас үөрэнээччилэрэ – 3 миэстэ буоллулар. Оройуоннааҕы мастерята «Кулинарное дело» компетенциятыгар кытта киирэр Иванова Надя – 3 кылаас үөрэнээччитэ, Ушканова Роза – 4 кылаас үөрэнээччитэ бииргэ үөрэнэр кыргыттарыгар маастар кылаас көрдөрдүлэр. Салҕыы орто сүһүөх кэрэчээн кыргыттарыгар аналлаах «Сама себе стилист – 2026» кэрэ буолуу күрэҕин ыыттыбыт. Уопсайа 3 хамаанда, 6 кыыс кытынна. Күрэх түмүгүнэн Конощук Далаана, Николаева Аэлита – 8 кылаас үөрэнээччилэрэ муҥутуур кыайыылаах буоллулар. Ноговицына Варя, Павлова Вилена – 7 үөрэнээччилэрэ иккис миэстэ, Васильева Нария, Ефремова Виолетта – 5 кылаас үөрэнээччилэрэ 3 миэстэ буоллулар. Кыттыбыт кэрэчээн кыргыттарбытыгар ситиһиилэри, дьоллоох оҕо сааһы баҕарабыт. Оскуола кэллэктиибэ.