Ыам ыйын 26 күнүгэр, оскуолабытыгар тиһэх чуораан чугдаарда – олох биир кэрдиис кэмин т... — 27 мая 2026 г. в 13:01:44.945
Ыам ыйын 26 күнүгэр, оскуолабытыгар тиһэх чуораан чугдаарда – олох биир кэрдиис кэмин түмүктээн саҥа үктэлгэ үктэннибит. Уопсайа 59 үөрэнээччи бу үөрэх сылын түмүктээтэ. Быйылгы үөрэх дьылыгар Дьаархан орто оскуолатын 4 выпускник бүтэрэр. Онтон 9 кылааска 5 оҕо экзамен туттаран кыайыы – хотуу аттестатын ылыа. Үөрүүлээх быһыыга – майгыга оскуолабыт дириэктэрэ Хараланов А. И., дириэктэри үөрэх чааһыгар солбуйааччы Васильева А. Р., “Дьаархан нэһилиэгэ тыа сирин түөлбэтин» аҕа баһылыгын солбуйааччыта Антонова М. Т., Д. С. Жиркова аатынан спорт уонна норуот айымньытын киинин дириэктэрэ Ноговицын В. А., Анал байыаннай дьайыыга олохторун толук уурбут оскуолабыт выпускниктара Софрон Григорьев уонна Иван Прокопьев төрөппүттэрэ Григорьева С. А. уонна Прокопьев Г. Д., Нэһилиэк депутаттарын стипендиятын выпускниктарга эҕэрдэ тылларын уонна сэмэй бэлэхтэрин туттардылар. Оскуолабытыгар өр сылларга үтүө суобастаахтык үлэлээбит, ытыктыыр учууталбыт, Саха Өрөспүүбүлүкэтин үөрэҕэриитин туйгуна, «Методист Якутии» бэлиэ хаһаайына Саввинова Акулина Дмитриевнаҕа «Дьаархан нэһилиэгэ бочуоттаах олохтооҕо» бэлиэни туттардылар. Күндү выпускниктарбыт, эһиэхэ эксээмэни ситиһиилээхтик туттаран, үөрэхтээх – үлэһит дьон буола улаатан тахсаргытыгар, барыта этэҥҥэ буоларыгар баҕарабыт. Иннигитигэр суол аһаҕас, олоххо бэйэҕит миэстэҕитин бигэтик булунан, үөрэхтээх – идэлээх дьон буолан олоххут уйгутун уһанар, дойду күүһэ – кыаҕа улаатарыгар бэйэ кылаатын киллэрэр дьон буола улаатыҥ. Оскуола кэллэктиибэ.