«Аҕа дойдуну көмүскээччи күнүнэн» — 20 февраля 2026 г. в 10:05:50.117
«Аҕа дойдуну көмүскээччи күнүнэн» Судаарыстыбабыт биир сүдү суолталаах бырааһынньыгар олохторун сулууспаҕа анаабыт биһиги биир дойдулаахтарбытыгар, төрөөбүт дойдуларын халабырдьыттартан көмүскээбит Арассыыйа судаарыстыбатын эрэллээх уолаттарыгар уонна кыргыттарыгар, ону тэҥэ бүгүн дойдубут национальнай интэриэһин туруулаһа сылдьар дьоммутугар ытыктабылбытын биллэрэбит. Саха сирэ модун санаалаах көмүскээччилэринэн аатырар. Аҕа дойду сэриитин сылларыгар алта уон икки тыһыынчаттан тахса биир дойдулаахпыт ньиэмэс-фашист халабырдьыттарын утары Ийэ дойдубут көмүскэлигэр турунан хорсуннук сэриилэспиттэрэ. Сүүрбэ түөрт буойун ССРС Дьоруойун үрдүк аатын сүкпүтэ, өссө биир буойуҥҥа Арассыыйа Дьоруойун аата иҥэриллибитэ. Биһиэхэ эйэлээх халлааны бэлэхтээбит дьоммутун үйэлэр тухары умнуохпут суоҕа. Кыайыыны ситиспит улуу көлүөнэ удьуордара бүгүн байыаннай дьайыы бара турар сиригэр өстөөҕу суоһараллар. Биһиги биир дойдулаахтарбыт Ийэ дойдубутун Украина неонацистарыттан көмүскээн, улуу Держава көҥүлүн уонна суверенитетын туруулаһан аҕаларбыт, эһээлэрбит дьыалаларын салгыыллар. Кинилэр улуу өбүгэлэрин курдук самныбат санаалара, булугас өйдөрө, сатабыллара кэрэхсэтэр. Бүгүн, биһиги оскуолабытыгар дойдуга буола турар анал байыаннай дьайыыга олохторун толук уурбут буойуттар, оскуолабыт выпускниктара Прокопьев Иван уонна Софрон Григорьев аатынан байыаннай ырыа уонна хаамыы күрэҕэ ыытылынна. Бу тэрээһиҥҥэ уопсайа 57 үөрэнээччи кытынна. Тэрээһиммитигэр буойун уолаттарбыт төрөппүттэрэ Светлана Афанасьевна Григорьева уонна Галактион Данилович Прокопьев кэлэннэр, оҕолорун туһунан ахтан – санаан, кэпсээтилэр, сырдаттылар. Уопсай күрэх түмүгүнэн алын сүһүөх кылаастарга 3 миэстэ – 5 кылаас үөрэнээччилэрэ. 2 миэстэ – 3 кылаас үөрэнээччилэрэ. 1 миэстэ – 4 кылаас үөрэнээччилэрэ буоллулар. Онтон улахан сүһүөххэ 1 миэстэ – ВПК «Спарта» 10, 11 кылаас үөрэнээччилэрэ, 2 миэстэ – 7 кылаас үөрэнээччилэрэ, 3 миэстэ – 9 кылаас үөрэнээччилэрэ. Софрон Григорьев дьиэ кэргэнин анал бирииһин ыллылар 1 кылаас үөрэнээччилэрэ. Онтон Иван Прокопьев дьиэ кэргэнин анал бирииһин 4 кылаас үөрэнээччилэрэ ыллылар. Бастыҥ хамандыыр анал аат туттарылынылар Аланаев Яковка 4 кылаас үөрэнээччитигэр уонна Софронов Максимҥа 11 кылаас үөрэнээччитэ. Аҕа дойдуну көмүскээччилэрбитигэр – уруй-айхал! Эһиги баар буолаҥҥыт Арассыыйа баар! Эһиги хорсун санааҕыт или-эйэни түстээтин. Тус бэйэҕитигэр уонна дьиэ кэргэҥҥитигэр дьолу, чэгиэн-чэбдик туругу уонна этэҥҥэ буолууну баҕарабыт! Оскуола кэллэктиибэ.