Ыччаты көҕүлүүр, кынаттыыр бэстибээл түмүктэннэ
Ыччаты көҕүлүүр, кынаттыыр бэстибээл түмүктэннэ «Биһиги күүспүт -сомоҕолоһууга” бастакы уус-уран самодеятельноһы көрүү ыччат бэстибээлэ улуус култуураҕа уонна духуобунай сайдыыга управлениетын өйөбүлүнэн ыытылынна. Ыччат бэстибээлэ Арассыыйаҕа норуоттар сомоҕолоһууларын, Саха сиригэр култуура, улууска доруобуйа сылларыгар, улууспут тэриллибитэ 95 сылыгар ананна. Бэстибээл элбэх ыччаты түмтэ, саҥа ааттары, талааннары арыйда. Быйылгы бэстибээлгэ сонун көрүҥүнэн олохтоох ааптардар тылларыгар, матыыптарыгар ырыалары толоруу ирдэбил быһыытынан киирбитэ кэрэхсэбиллээх. Ыччат бэстибээлин уопсай түмүгэ: 1 миэстэ Атамай нэһилиэгэ-9,66 балл 2 миэстэ Октябрьскай нэһилиэгэ -9,44 балл 3 миэстэ Одуну нэһилиэгэ -9,16 балл -Солоҕон нэһилиэгэ-9,04 балл -Мытаах нэһилиэгэ-8,82 балл - Кировскай нэһилиэгэ-8,80 балл - Маалтааны нэһилиэгэ-8,74 балл - Маҥаны нэһилиэгэ-8,72 балл Дьууллуур сүбэ сыанабылы туруорууга ыччат элбэх ахсаанаах көхтөөх, тэрээһиннээх кытыыта, кэнсиэртиир бырагыраама режиссурата, тутула, сыана уота-күөһэ, киэргэтиитэ, тыас-уус хаачыстыбата, ону сэргэ уус-уран самодеятельность ирдэнэр көрүҥнэрэ толору бааллара учуоттанна. Бэстибээл түмүктүүр кэнсиэрэ, наҕараадалыыр күнэ улуус үбүлүөйдээх ыһыаҕар бэс ыйын 25 күнүгэр ыытыллыаҕа. Бастакы миэстэҕэ -70 тыһ. солк, иккис миэстэҕэ-50 тыһ. солк, үһүс миэстэҕэ-30 тыһ. солк подарочнай сертификаттар бэриллиэхтэрэ. Ыччат бэстибээлин тэрийиигэ үлэлэспит нэһилиэктэр дьаһалталарыгар, култуурабыт тэрилтэлэрин салайааччыларыгар, үлэһиттэригэр, нэһилиэк олохтоохторугар махтанабыт. Ыччаттарбыт көхтөөхтүк кыттыбыттара бу биһиги биир сомоҕо, бары бииргэ буоларбыт туоһута буолар. Ыччаттарбытынан киэн туттабыт! Күүспүт-түмсүүгэ! Улуус култуураҕа уонна духуобунай сайдыыга управлениета