23 июнь көнне, Әлмәт шәһәрендә "Татар кызы-2026" республика күләм матурлык, сәләт һәм м... — 24 июня 2026 г. в 09:23:53.744

23 июнь көнне, Әлмәт шәһәрендә "Татар кызы-2026" республика күләм матурлык, сәләт һәм милли традицияләр бәйгесенең финалы узды. Бәйгедә барлыгы төрле районнардан 11 кыз үзара көч сынашты. Балтач районы данын яклап бер юлы өч кыз катнаштылар: Сосна авылыннан Закирова Сиринә Илнар кызы, Балтач бистәсеннән Зарипова Динә Азат кызы, Көшкәтбаш авылыннан Әхмәдиева Гөлназ Мәлик кызы. Барлык кызлар да тиешенчә, югары дәрәҗәдә чыгыш ясап төрле номинацияләрдә бүләкләнделәр. "Иң сөйкемле кыз" Сиринә Закирова, "Иң ихлас кыз" Динә Зарипова, "Иң сәләтле кыз" Гөлназ Әхмәдиева. Гран-При, "Татар кызы-2026" бәйгесе җиңүчесе исеменә Балтач бистәсеннән Зарипова Динә Азат кызы лаек булды. Аны чын күңелдән зур җиңүе белән котлыйбыз. Барлык кызларыбызга да зур рәхмәт,сез безнең өчен барыгызда җиңүчеләр🙏💐👏