Арассыыйаҕа Сомоҕолоһуу, СӨ Култуура, Үөһээ Бүлүү оройуонугар үөрэҕирии систиэмэтэ төрү... — 26 июня 2026 г. в 13:53:09.492
Арассыыйаҕа Сомоҕолоһуу, СӨ Култуура, Үөһээ Бүлүү оройуонугар үөрэҕирии систиэмэтэ төрүттэммитэ 150, Быракаан нэһилиэгэ тэриллибитэ 35 сылларыгар Үрүҥ тунах ыһыахпыт үрдүк таһымҥа ыытылынна. Үөһээ Бүлүү улууһун Быракаан нэһилиэгин олохтоохторо, өрөспүүбүлүкэбит араас муннуктарыгар олорор биир дойдулаахтарбыт бары хайысхаҕа үлэнэн туругурбут,дьоһун дьонноругар дьолломмут, ыарахантан- ыартан чаҕыйбакка,иннин хоту кимэн испит,төлөннөөх кыайыыга дьулуһа турбут уйгулаах нэһилиэк буолабыт. Бу барыта ситиһиилэнэр, бу барыта көтөллөнөр,туругурар биир дойдулаахтар түмсүүлэринэн, сомоҕолоһууларынан! Үбүлүөйдээх ыһыахпыт үөрүүтүн үллэстэ, ыраахтан- чугастан бары бииргэ түмсэн сомоҕолоһон ыһыах ыстыбыт. Болдьообут курдук ыһыах күн, халлааммыт сөрүүн, кумаара суох олус үчүгэй күн туран биэрдэ. Нэһилиэк бары тэрилтэлтэлэрэ, олохтоохторо кыра оҕотуттан, кырдьаҕаһыгар тиийэ ыһыах арыллыытыттан саҕалаан, ыһыах тэрээһинэ бүтүөр дылы бары көхтөөхтүк кыттыбыттара сүргэни көтөҕөр. Ыһыах сиэрин- туомун Үөһээ Бүлүү улууһун сүрүн алгысчыта Трофим Васильевич Миронов оҥордо.Унаар түптэ буруотунан , анал ыраастыыр отунан ыһыах түһүлгэтин ыраастаатыбыт, арчыланныбыт. Үбүлүөйдээх ыһыахпыт көрүн-нарын оройуттан туттубут.Аймах -билэ , атас- доҕор буолан ыһыах күрэхтэригэр кыттыстыбыт. Өрүү маннык бары биир сомоҕо күүс буолан , бары биир санаанан нэһилиэкпит туһугар үлэлиэххэ,үүнүөххэ!🙌