🕯️Бу дьыл муус устар 25 күнүгэр Российскай Федерация Дьоруойа, анал байыаннай дьайыы б... — 26 апреля 2026 г. в 08:37:27.659
🕯️Бу дьыл муус устар 25 күнүгэр Российскай Федерация Дьоруойа, анал байыаннай дьайыы бэтэрээнэ, Үөһээ Бүлүү улууһун бочуоттаах олохтооҕо Алексей Рафаэлович Петров – "Медведь" соһумардык олохтон туораабытынан Уус Алдан улууһун дьаһалтатын аатыттан дьиэ кэргэнигэр, чугас дьонугар, аймахтарыгар уонна биир дойдулаахтарыгар дириҥ кутурҕаммытын тиэрдэн туран, улууспутугар муус устар 27 күнүгэр Кутурҕан күнэ биллэрилиннэ. Онон сибээстээн Өрөспүүбүлүкэ күнүгэр анаммыт кэнсиэр уонна оһуохай тэрээһиннэрэ тохтотуллубуттарын иһитиннэрэбит. Сарсыардаттан Бороҕон нэһилиэгэр Алексей Аржаков-Сэһэн Ардьакыап, Дүпсүн нэһилиэгэр В.В. Никифоров-Күлүмнүүр, II Лөгөй нэһилиэгэр И.Е.Мигалкин, Мүрү нэһилиэгэр Н.Н. Окоемов пааматынньыктарыгар сибэкки дьөрбөтүн ууруу ыытыллыаҕа. Мүрү нэһилиэгэр "Тойон Мүрү" култуура дыбарыаһын болуоссатыгар атыы дьаарбаҥката буолуоҕа. Улуус дьаһалтатын пресс-сулууспата