🚀 Мээң төрээн черим октаргайның бедиктеринден — 6 апреля 2026 г. в 11:31:49.749
🚀 Мээң төрээн черим октаргайның бедиктеринден Тываны октаргайдан көрүп болур деп кажан-даа бодавайн чораан мен. Шыны-биле алырга, бистиң бичии республикавыс көзүлбес деп бодаан мен. Чоокта чаа солун медээни билип алдым. Республикавыстың чурттакчылары төөгүде бир дугаар космонавт Кирилл Песковтуң ачызында Черниң орбитазындан төрээн чуртувусту көөр аргалыг болган. Ол Бүгү-делегейниң космиктиг станциязының бортундан биче төрээн чериниң чуруун тырттырган. Бистиң Тывавыс база Кызыл хоорай, тыва космонавт делегей космонавтиказының төөгүзүнче киргени меңээ өөрүнчүг болган. Чүге дизе Кирилл Песков Кызыл хоорайга төрүттүнгеш, бирги базымнарын кылган. Кирилл Песков 1990 чылда Кызыл хоорайга төрүттүнген. Ооң ачазы аэропортка пилот кылдыр ажылдап чораан, а авазы – метереолог. Ооң соонда өг-бүле Красноярск крайның Назарово хоорайже көшкен. Кирилл аңаа школаны дооскаш, ачазының изин истеп, хамааты авиацияның лётчиги мергежилди чедип алган. Күзелдериниң күштүү, турум аажы-чаңы-биле оон-даа бедиктерже үнүп, космонавт болган. Ооң бистиң республикавыска төрүттүнгенинге аажок чоргаарланыр мен. Тыва чуртун утпайн, бедиктерден Тываны көргүскенинге четтиргенимни илереттим. ✍️ Тамерлан АННАЙ, Кызылдың 9 дугаар гимназиязының 7 «г» клазының өөреникчизи, «Элээди журналист» бөлгүмүнүң кежигүнү. Чурукту интернет четкизинден алган. Мы в ВКонтакте | Мы в MAX