💖 Сырдык сыһыан 🤝
💖 Сырдык сыһыан 🤝 Кырдьаҕастар дьиэлэригэр үөрүүлээх көрсүһүү ааста👏🏻 Өрөспүүбүлүкэтээҕи Кырдьаҕастар уонна инбэлииттэр олорор дьиэлэригэр Аҕам саастаах дьон декадаларынан чэрчитинэн Мэхээлэ Дьөгүөрэп аатынан сынньалаҥ киин үлэһиттэрэ бэрт истиҥ тэрээһини ыытта 🤗👨🏻🦳👵🏻 Бу күн сынньалаҥ киин айар кэлэктиибэ Кырдьаҕастар дьиэлэригэр олорор күндү дьоммутугар анаан итии-истиҥ эҕэрдэни, мааны ырыалары бэлэх уунна.Ырыа-тойук аргыстаах көрсүһүү иһирэх эйгэҕэ ааста. Кинилэргэ анаан араас сэргэх оонньуулар тэрилиннилэр. Тэрээһин кыттыылаахтара оонньууларга бэрт көхтөөхтүк кыттан, эдэр саастарын санаан, сэргэхсийэн үөрүү күлүмнээтэ. Көрсүһүү түмүгэр аҕам саастаах дьоммут сынньалаҥ киинигэр бэйэлэрин дириҥ махталларын биллэрдилэр. Бу курдук болҕомто уонна сылаас сыһыан кинилэр дууһаларын көтөхтө, олоххо күүс-уох эптэ ☺️👏🏻