Бэрдьигэстээх төрүттэммит күнүгэр анаан үс күн устата ыытыллыбыт тэрээһиннэр "Чыпчаал" ... — 8 сентября 2026 г. в 03:37:02.676
Бэрдьигэстээх төрүттэммит күнүгэр анаан үс күн устата ыытыллыбыт тэрээһиннэр "Чыпчаал" стадиоҥҥа эстрада ырыаһыттарын бырааһынньыктааҕы кэнсиэринэн түмүктэннэ. Чахчы даҕаны дьон олус сүргэтэ көтөҕүллэн, хас биирдии киһи нэһилиэк ыраас буоларын туһугар кыһаллан, кэлбит ыалдьыттары маанылаан көрсөн тэрээһиннэр түмүктэннилэр. Улуус баһылыга Никита Викторович, "Бэрдьигэстээх" нэһилиэгин баһылыга Алексей Григорьевич дьонноругар - сэргэлэригэр үтүө тылларын эттилэр, сүҥкэн кылааттарын киллэрбиттэригэр махтаннылар. Нэһилиэк баһылыга Алексей Григорьевич Аргунов "Дойдум дьоно" ырыаны эстрада сулуһа Арыйааны кытта ыллаабытын дьон - сэргэ ытыс тыаһынан көрүстэ. Бу киэһэ хоту дойду холоруга Олимпия, Игорь Егоров, Альберт Унаров, Ирена Файрушина, Понсаш уонна Фиеста, Арыйаан, Святослав Эверстов хит буолбут ырыаларынан эҕэрдэлээтилэр. Ыытааччылар Ньургууша уонна Долун астыктык ыытан биир долгуҥҥа буоллулар. Түмүккэ "Олоҥхо кэскиллэрэ" фольклорнай лааҕырбыт оҕолоро баҕа санааларын толорон Арыйааны кытта сыанаҕа "Доҕотторум" ырыаны бииргэ ыллаатылар. Күндү нэһилиэк олохтоохторо! Чэгиэн - чэбдик буолун, үрдүктэн үрдүк ситиһиилэнин диэн баҕа санаа бастыҥын ыытабыт. А. Васильева, Семен уонна Софрон Даниловтар ааттарынан Духуобунас киинин уус - уран салайааччыта.