😍👏🏻Аан дойдутааҕы аҕам саастаахтар декадаларын чэрчитинэн, Бэрдьигэстээххэ «Истиҥ кө...
😍👏🏻Аан дойдутааҕы аҕам саастаахтар декадаларын чэрчитинэн, Бэрдьигэстээххэ «Истиҥ көрсүһүү» бырааһынньык тэрилиннэ. 🎉Манна Бэрдьигэстээх, Маҕарас бэтэрээннэрэ мустан аралдьыйан-сынньанан, дуоһуйа ыллаан-үҥкүүлээн, киэһэлэрин бэркэ атаардылар. 🤗Бырааһынньык Бэрдьигэстээх нэһилиэгин баһылыга Алексей Григорьевич Аргунов эҕэрдэтинэн арылынна. 🎭Тэрээһин устата араас интэриэһинэй күрэстэр ыытылыннылар. «Кэм кэрдии кэрэтэ» диэн ретро-аксессуар күрэһигэр араас былыргы кэминээҕи малларынан быыстапка туруорулунна, эдэр сылдьан кэппит таҥастарынан муода көрдөрүлүннэ. Кэрэ-бэлиэ күннэргэ, бырааһынньыктарга астыыр үгэс буолбут бүлүүдэҕэ “Бабушкин рецепт” күрэскэ эрдэттэн бэлэмнэнэн кэлэн кытыннылар. Остуолларынан үс этаптаах “Умнуллубат кэм ырыалара” музыкальнай күрэххэ эдэр сылдьан ыллыыр, үҥкүүлүүр ырыалары таайдылар. Салгыы сынньалаң кэмигэр корнхолл, дартс оонньоон күрэхтэстилэр. Ону тэҥэ Дьячковскайдар дьиэ кэргэн араас оонньуулары аҕалан аҕам саастаах дьону аралдьытта, оҕо сааһы санатта. 🪗Тэрээһин Дария Алексеева байаанын аптаах тыаһынан до5уһуолламмыт үңкүүнэн түмүктэннэ. Бэрдьигэстээх нэһилиэгин дьаһалтатын аатыттан тэрийээччилэргэ Мэхээл Дьөгүөрэп аатынан сынньалаҥ киинин, бырааттыы Даниловтар ааттарынан Духуобунас киинин, кыраайы үөрэтэр түмэл, култуура уонна ыччат политикатын агенствотын үлэһиттэригэр, бэтэрээннэр түмсүүлэригэр махтал тылларын аныыбыт. Ксения Васильева✍🏻