МБУ "ЦНТ им. Е.Г.Охлопкава-Буоратай с.Фрунзе, [14 фев. 2026 в 03:37] — 24 февраля 2026 г. в 03:49:42.364
МБУ "ЦНТ им. Е.Г.Охлопкава-Буоратай с.Фрунзе, [14 фев. 2026 в 03:37] Олунньу ый 6 күнүгэр Саха сирин үс маанылаах хочолоруттан биирдэстэригэр Эҥсиэли эбэ хотун үллэр үөстээх Өлүөнэ кытылыгар, ССРС суруйааччыларын сойууһун чилиэнэ, Саха АССР култууратын үтүөлээх үлэһитэ, норуот ырыаһыта, сахабыт сирин биллиилээх олоҥхоһута Прокопий Прокопьевич Ядрихинскай – Бэдьээлэ төрөөбүтэ 125 үбүлүөйдээх сылынан, олорон ааспыт дьиэтигэр өйдөбүнньүк мэҥэ таас бэлиэтэ туруоруллунна, ону тэҥэ «Фрунзе нэһилиэгэ» тыа сирин түөлбэтин муниципальнай тэриллиитин баһылыга Роман Дмитриевич Трофимов дьаһалынан 2026 сыл нэһилиэккэ Прокопий Прокопьевич Ядрихинскай-Бэдьээлэ төрөөбүтэ 125 үбүлүөйдээх сылынан бигэргэтилиннэ. Үөрүүлээх тэрээһиҥҥэ «Нам улууһа» муниципальнай оройуон баһылыгын солбуйааччыта Филипп Васильевич Николаев, «Нам улууһа» муниципальнай оройуон култуураҕа уонна духуобунай сайдыыга салалтатын салайааччыта Семен Прокопьевич Ядрихинскай, Арктикатааҕы эпос уонна ускуустуба киин Эпическэй нэһилиэстибэҕэ салаатын салайааччыта Евдокия Николаевна Иванова, СӨ үөрэҕириитин уонна култууратын туйгуна, СӨ учууталларын учууталлара, научнай-методическай уонна тас үлэҕэ олоҥхо киинин сүрүннүүр үлэһитэ Ульяна Михайловна Флегонтова, СӨ култууратын үтүөлээх үлэһитэ, научнай-методическай уонна тас үлэҕэ олоҥхо киинин сүрүннүүр үлэһитэ Зоя Григорьевна Сысолятина, СӨ култууратын туйгуна, П.П.Ядрихинскай-Бэдьээлэ аатын сүгэр Олоҥхо дьиэтин дириэктэрэ Вера Васильевна Колпашникова, П.П.Ядрихинскай-Бэдьээлэ төрөппүт кыыһа Мария Прокопьевна Стручкова, Бэдьээлэ сиэн кыргыттара Пелагея Николаевна Стручкова, Анна Николаевна Винокурова, Бэдьээлэ сиэн уола Гаврил Петрович Захаров, Фрунзе нэһилиэгин ытык киһитэ, өр кэмҥэ салайар үлэҕэ үлэлээбит, спорт ветерана Иван Гаврильевич Ядрихинскай, СӨ историктарын уонна кыраайы үөрэтээччилэрин сойууһун чилиэнэ, Фрунзе нэһилиэгин ытык киһитэ, кыраайы үөрэтээччи Охлопкова Анна Егоровна кыттыыны ыллылар, истиҥ эҕэрдэ тылларын эттиллэр. П.П.Ядрихинскай-Бэдьээлэ хос сиэнэ, блогер Айаал Винокуров-Ялыч хос эһээтин Бэдьээлэ туһунан киинэ устуон баҕарарын иһитиннэрдэ. Бу күн Нам улууһун Таастаах нэһилиэгин эдэр кэскиллээх ыччата, 2022 сылга Нам улууһун Түбэ нэһилиэгэр ыытыллыбыт Муҥха олоҥхотун Кылаан Чыпчаал хаһаайына, Арктикатааҕы государственнай культура искусство уонна креативнай индустрия университетын устудьуона Назар Филиппов "Дьырыбына Дьырылыатта кыыс бухатыыр" Бэдьээлэ олоҥхотуттан быһа тардан толордо. Түмүккэ Прокопий Прокопьевич Ядрихинскай – Бэдьээлэ төрөөбүтэ 125 үбүлүөйдээх сылын тэрээһиннэрин тула санаа атастаһыытын, сүбэлэһиитин төгүрүк остуола буолла, Нам улууһа муниципальнай оройуон култуураҕа уонна духуобунай сайдыыга салалтатын салайааччытын солбуйааччыта Александра Николаевна Новогородова, СӨ ыччат политикатын, культуратын, үөрэҕэриитин туйгуна, Иван Семенович Гаврильев аатынан Нам бастакы нүөмэрдээх оскуолатын фольклорга уһуйаана, Бартыһаан нэһилиэгин Хомус дьиэтин исписэлииһэ Елена Константиновна Маркова, Афанасий Шестаков аатынан улуустааҕы норуот айымньытын дьиэтин фольклорга исписэлииһэ Мария Степановна Григорьева баҕа санааларын эттилэр.