Саха Республикатын кунун чэрчитинэн, муус устар 27 күнүгэр "Тумсуу" култуура киинигэр "... — 28 апреля 2026 г. в 01:05:08.166

Саха Республикатын кунун чэрчитинэн, муус устар 27 күнүгэр "Тумсуу" култуура киинигэр " Санаа түһүлгэтэ" диэн сонун тэрээьин буолла. Бу тэрээьиннэ мустубут дьон ийэ тылбыт туругун, кинигэ аа5ыытын туьунан бэйэлэрин санааларын уллэьиннилэр. Ол курдук, ийэ тылга интэриэьи уьуйаан саастан хайдах уерэтэллэрин "Сайдыы" уьуйаан иитээччитэ Данилова Лирияна Владимировна олус интэриэьинэйдик кэпсээтэ. Уьуйааммытыгар сахалыы эйгэ, терут култуура5а иитии-уерэтии улэтэ хайдах тиьиллэрин сырдатта. Оскуола5а саха тылын уерэтии туругун, саха тылын чаастарын а5ыйатыы, терут култуураны уерэтии чаастара билигин суо5ун учуутал Мариван Алексеевич Васильев, о5олорбут сахалыы тыллаах кинигэлэри аахпат буолбуттарын, о5олор бэйэлэрин икки ардыгар нууччалыы тылынан кэпсэтэллэрин алын кылаас учуутала, библиотекарь Зинаида Захаровна Николаева кэпсээтэ. Билигин бу кыьал5а биьиги эрэ оскуолабытыгар баар буолбатах, кырдьык, тыа сирин о5олоро нууччалыы тылынан кэпсэтэллэр. Манна мустубут дьон бары иитии дьиэ кэргэнтэн тахсарын бэлиэтээтибит. Олохтоох библиотека5а 13.000 кинигэ фонда5а баарыттан сахалыы тылынан кинигэтин ахсаана 4.000 тахса баарын библиотекарь Яковлева Татьяна Афанасьевна бэлиэтээтэ. Нэьилиэккэ ордук а5ам саастаах дьон кинигэни уларсан аа5ар, саамай кехтеех аа5ааччыларынан Елизавета Семеновна, Валерий Данилович Тихоновтар, Антонина Васильевна, Александр Григорьевич Угапьевтар, Акулина Никифоровна дьиэ кэргэттэрин ааттаталаата. Быйыл Вологда куоракка баран курска сылдьан тугу билбитин, библиотека улэтигэр уларыйыылары кэпсээтэ. Онтон Людмила Васильевна Иванова кинигэни аа5ыы ураты " амтаннаа5ын" бэлиэтээтэ. Олохтон элбэх холобуру а5алла, угус биллиилээх суруйааччылар санааларын тириэртэ. Елизавета Семеновна Тихонова о5о5о кыра сааьыттан кинигэ5э умсугуйууну, тапталы иитэр киьинэн учуутал буолар диэн бэйэтин тус оло5уттан олус истинник кэпсээтэ. Кини о5о сылдьан аахпыт кинигэлэрин билигин да сылаастык саныырын бары умсугуйа иьиттибит. Саамай а5ам саастаах ыалдьыппыт Павлов Николай Николаевич билигин да хаьыат сонуннарын астына аа5арын, урукку кэмнэргэ олорон ааспыт дьоннорбут уус тыллаахтарын, ункуу тыла /оьуокай/ ураты куустээ5ин олус учугэйдик ахтан аьарда. Ункуу тылын былыр нэьилиэкпитигэр олус табыллан Гавриил Сидоров, Николай Тихонов , Дария Егорова этэллэрин ахтан ылла. Кинилэри утумнааччылар билигин, хомойуох иьин, суохтарын харааста иьиттибит. Ийэ тылбыт сумэтэ-суегэйэ кырдьык, оьуокайга, норуот тылынан уус уран айымньытыгар кистэнэ сытта5а.... Билинни сайдыылаах олохпутугар сэлэспэ / телефон/ , куйаар ситимэ / интернет, ватсап/ утугэнник хото киирэн, тереппуттэр о5олорун кытта кэпсэппэт да тугэннэрэ элбэзин, бэйэлэрэ кинигэни-хаьыаты аа5а-кере сатаабаттарыттан, эбиитин дьиэ кэргэн иьигэр о5олорун кытта нууччалыы тылынан кэпсэтэ сырыттахтарына, тылбыт сутэр, симэлийэр кутталлаах . Маннык кыьал5а тула быйыл республика таьымыгар элбэх тыл пуорумнарыгар, тыл уерэхтээхтэрин сийиэстэригэр кэпсэтии туьулгэлэрэ буоллулар. Бу улэлэр барыта биир тумуккэ кэлэллэр - тылы харыстааьын дьиэ кэргэн иьиттэн, дьиэ5э-уокка, уьуйаанна, оскуола5а сахалыы эйгэни тэрийииттэн са5аланар диэн. Бугунну " Санаа туьулгэтэ" тэрээьин кыттыылаахтара ессе да инникитин маннык керсуьуулэри элбэхтэ тэрийэргэ, итиэннэ "Аа5ар Ньурбачаан" диэн ааттаах белех тэринэн, куйаар ситиминэн дьону белеххе мунньан, литература, уерэх, култуура эйгэтигэр ыытыллар тыл политикатыгар уларыйыылары, аа5ар сонуну белеххе ыытан, саха тылын харыстыыр улэлэргэ кыттыьыах буолан тар5астыбыт. 🌀Саввинова Т.С.