🌟💐Ыам ыйын 11 күнүгэр Далыр нэһилиэгэр оскуолабыт турар Титов Н.М. аатынан уулуссаҕа ... — 12 мая 2026 г. в 07:13:21.631
🌟💐Ыам ыйын 11 күнүгэр Далыр нэһилиэгэр оскуолабыт турар Титов Н.М. аатынан уулуссаҕа биир бэлиэ, истиҥ түгэн буолан ааста. Аҕа дойду Улуу сэриитин ветерана, ветеран учуутал, республика норуотун хаһаайыстыбатын үтүөлээх үлэһитэ Николай Михайлович Титов аатын үйэтитэр «Өйдөбүнньүк ыскамыайка» үөрүүлээх быһыыга арылынна. 🎖️Николай Михайлович олоҕун суола — хорсун быһыы, тулуур уонна төрөөбүт дойдуга бэриниилээх буолуу холобура. Үс бырааттыы Титовтар бары сэриигэ аттаммыттара: Алексей сураҕа суох сүппүтэ, Иван уонна Николай инбэлиит буолан төннүбүттэрэ. Николай Михайлович А5а дойду сэриитигэр 1942 сылтан 1945 сылга дылы төгүрүк үс сыл устата бастакы Воронежскай уонна Украинскай фроннары кытта улахан суолталаах кыргыһыыларга кыттан, дойдутугар Далырга үс бойубуой орденнаах, икки мэтээллээх кэлбитэ. («За боевые заслуги”, “За отвагу” мэтээллэр, орден “Красной звезды”, орден Славы 3 степени, орден Отечественной войны 2 степени.) 🌟Дойдутугар кэлээт эйэлээх оло5у уһансарга улахан кылаатын киллэрбитэ. Ол курдук өрүс унуордаа5ы оскуолаларга директорынан, завуһунан, математика физика учууталынан 35 сыл үлэлээбитэ. Ону таһынан исполком бэрэссэдээтэлинэн, колхоз салайааччытынан кэккэ сылларга үлэлээбитэ. Общественнай үлэ араас хайысхаларыгар: 24 сыл комсомол пропагандиһынан, 12 сыл нэһилиэк депутатынан, 9 сыл нэһилиэк партиннай тэрилтэтин салайан энкилэ суох бары кыаҕын биэрбитэ. Титов Николай Михайлович эйэлээх олоҕу уһансыбыт бойобуой суолларын, Далырбыт нэһилиэгин сайдыытыгар 40-50-60-70-80 сылларга үөрэҕэриигэ, норуот хаһаайыстыбатыгар, общественнай олох үрдүк таһымҥа тиийиилэригэр сүдү кылааты киллэрбит патриот киһибитигэр “Өйдөбүнньүк ыскамыайка” туруута улахан суолталаах. Бу ыскамыайка — судургу оллоон буолбатах. Бу биһиги махталбыт бэлиэтэ, кини аатын үйэлэргэ үйэтитии. 📍Хас биирдии манна кэлбит киһи сынньана таарыйа, кини кылгас биографиятын, бойобуой суолларын, эйэлээх кэмҥэ үлэтин-хамнаһын билсиһэллэригэр «Всё кратко о Титове Н.М» куар код оноһулунна. 💐Хас биирдии үтүө дьыала кэннигэр ону көҕүлээччи баар буолар. Бу «Өйдөбүнньүк ыскамыайка» туруорар туһунан санааны көтөхпүт уонна олоххо киллэрбит киһибит — оскуола түмэлин үлэһитэ Альбина Спиридоновна Габышева. Кини көҕүлээһинин түмүгэр бүгүн Титов аатынан уулуссабыт өссө тупсан, сырдык өйдөбүлүнэн туолла! Учуутал диэн — улуу аат, Ветеран диэн — ытык аат! Эн аатың үйэлэргэ өйдөнүө, Эдэр ыччат сүрэҕэр тыллыа. 🕊️Барыгытыгар чэгиэн туругу, эйэлээх халлааны баҕарабыт!