Ньурба оройуонугар 2027 с. буолаары турар, Саха өрөспүүбүлүкэтин норуоттар икки ардыла... — 29 мая 2026 г. в 13:25:20.408
Ньурба оройуонугар 2027 с. буолаары турар, Саха өрөспүүбүлүкэтин норуоттар икки ардыларынааҕы IX спортивнай оонньууларыгар бэлэмнэнии үлэ чэрчитинэн, ыам ыйын 27, 28, 29 күннэригэр Күндээдэ нэһилиэгэр хомунуу, ыраастаныы уопсай субуотунньуга буолан ааста. Нэһилиэк тэрилтэлэрэ бука бары үлэҺиттэрэ, биирдиилээн да түөлбэ олохтоохторо туора турбаккалар, үс күннээх күүстээх үлэни, биир сүбэнэн үмүрүттүлэр. ТэлгэҺэттэн, тиэргэнтэн саҕалаан, хас биирдии тэрилтэҕэ тыырыллыбыт сирдэринэн, өрүс биэрэгиттэн саҕалаан, нэһилиэктэн тахсыыга диэри, ыраастаныы субуотунньуга өрө көтөҕүүлээхтик, көхтөөхтүк ааста. Ону тэҥэ, олохтоох дьаҺалта, биирдии ыалтан, муспут бөхтөрүн тракторынан хомуйан свалкаҕа тастылар. Субуотунньук үҺүс күнэ нэҺилиэк свалкатын хомуйууннан түмүктэннэ. "Норуот күүһэ-көмүөл күүҺэ." Нэһилиэкпит тупсаҕай, ыраас буолуутун ситиһии, бу хас биирдии киҺи төрөөбүт дойдутугар бэриниилээх буолуутун көрдөрүү. Тулалыыр эйгэ харыстабыла тиэргэнтэн саҕаланар.