🌿🌞🌿🌞🌿🌞Арассыыйаҕа *"Норуоттар сомоҕолоҺууларын* ", Саха Өрөспүүбүлүкэтигэр " *Кул... — 22 мая 2026 г. в 23:51:10.495
🌿🌞🌿🌞🌿🌞Арассыыйаҕа *"Норуоттар сомоҕолоҺууларын* ", Саха Өрөспүүбүлүкэтигэр " *Култуура* ", Ньурба оройуонугар *"Спорт* ", Күндээдэ нэһилиэгэр *"Төрөөбүт Дойдуга бэриниилээх буолуу* " сылларын чэрчилэринэн, Ыам ыйын 22 күнүгэр, 🌞 *Күннээх Күндээдэ нэҺилиэгэр* , күөххэ үктэммит, самаан сайыны көрсөр күүтүүлээх күнүн – *Сайылык күнүн (Ньукуолун)* үөрүүлээх тэрээҺинэ буолан ааста. 🌿Саха сиэринэн, бу күн салама ыйааһынын сиэрэ-туома толорулунна. Саха Өрөспүүбүлүкэтигэр Ырыа уонна ОҺуохай күнүн чэрчитинэн, самаан сайыны уруйдуу ыллам ырыа ылланна, хомус тыаһа дьүрүҺүйдэ, оҺуохай оройуттан тутулунна. 🌿Эбиэт кэмигэр, олохтоох дьаҺалта, кэлбит ыалдьыттары оллооҥҥо буспут кус миининэн күндүлээтилэр. Дьон алаадьылаах итии чэй иһэ-иһэ, ирэ-хоро кэпсэттилэр. 🌿Эбиэт кэннэ араас спортивнай күрэхтэргэ кыттан үөрэн-көтөн, өттүк харалаах, илии тутуурдаах, үөрэн-көтөн тарҕастылар. 🌿Уйгу-быйаҥ аргыстаах самаан сайын барахсан хас биирдии киҺиэхэ, дьиэ-кэргэҥҥэ үрдүк үүнүүнү, өлгөм сир аһын, үтүө сынньалаҥы, үгүс үтүө үөрүүнү аҕаллын!🙌