Арассыыйа күнүн чэрчитинэн, бэс ыйын 12 күнүгэр, Күндээдэҕэ, нэҺилиэк биир чаҕылхай ычч... — 13 июня 2026 г. в 04:28:20.277
Арассыыйа күнүн чэрчитинэн, бэс ыйын 12 күнүгэр, Күндээдэҕэ, нэҺилиэк биир чаҕылхай ыччата, Ыччат лидера Руслан Николаевич Филиппов сырдык кэриэһигэр XI төгүлүн футзалга Аһаҕас турнир үрдүк таҺымнаахтык ыытылынна. Күрэххэ кыттыыны ыллылар: Күндээдэ нэһилиэгиттэн үс хамаанда, Антоновкаттан икки хамаанда - «Куочай», «Легион», “Түмүк” (Маар) хамаандата, ыаллыы сытар Сунтаар улууһуттан, "Сунтар" хамаанда. Хамаандалар икки бөлөххө арахсан оонньоотулар. Күрэх сүрүн судьуйатынан үлэлээтэ СӨ физическай култууратын Туйгуна, бэтэрээн учуутал, тренер С.С.Хардарысов (көмөлөһөөччү судьуйа А.С.Михайлов). Сытыы, тыҥааһыннаах күрэхтэһии сарсыардаттан саҕаламмыттара. Эбиэт кэнниттэн күрэхпит үөрүүлээх аһыллыыта 🇷🇺Арассыыйа күнүгэр туһуланан, былааҕы көтөҕүүттэн, флешмобунан саҕаламмыта. АБДь кыттыылаахтарын сураҕа суох сүппүт, кыргыһыы хонуутугар сырдык тыыннара быстыбыт буойуттарбытын кэриэстээн, биир мүнүүтэ хоҥкуйан ылбыппыт. "Күндээдэ нэҺилиэгэ" тыа сирин түөлбэтин аҕа быһылыга А.Д.Петров бар дьонугар, ыалдьыттарга Арассыыйа күнүнэн эҕэрдэтин анаан спортсменнарга ситиһиилэри баҕарда. Күндээдэ нэһилиэгин бочуоттаах олохтооҕо, муниципальнай үлэ бэтэрээнэ А.Н.Николаев Руслан Филиппов кылгас да буоллар олоҕун чаҕылхай кэрдиистэрин сырдатта, күрэхтэһээччилэргэ ситиһиигэ алгыс тылларын эттэ. «Туску» уолаттара «Вперед Россия!» эҕэрдэ ырыалара дьон-сэргэ сүргэтин көтөхтө, кыттаачылары кыайыыга кынаттаата. Хас да чаастаах эрийсиилээх, дьаныардаах күрэхтэһии судьуйалар хамыыһыйалара сөптөөх, оруннаах үлэлэринэн туох да мөккүөрэ суох түмүк таҕыста. Ол курдук түмүк маннык буолла: 🥇🏆1миэстэ-«Түмүк» (Маар) 50тыһ.уонна кубок, 🥈🏆 2 миэстэ- «Күндээдэ-1» 30тыһ., 🥈🏆 3 миэстэ-“Куочай”(Антоновка) 20 тыһ. Анал бириистэр: 🎊Р.Филиппов бииргэ төрөөбүттэрин анал бирииһэ Дьокуускай, Айхал курдук ыраах сиртэн төрөөбүт нэһилиэктэрин чиэһин көмүскүү кэлбит «Күндээдэ-1” хамаандаҕа (капитан Нахов С.А.) 30тыһ.; 🎊Е.Филиппова уонна Г.Герасимов анал бирииһэ нэһилиэкпит инники эрэллэригэр, кэскиллэригэр “Күндээдэ-3” (капитан Самир Герасимов) 10тыһ.; 🎊Руслан оҕо сааһын доҕоро, бастакы футбольнай хамаанда вратара Емельян Прокопьевич Иванов “Самый юный игрок” бирииһэ күрэх саамай кыра саастаах кытааччыта Антоновка оскуолатын 8 кылааһын үөрэнээччитэ Костя Егоровка (биир дойдулаахпыт Николай Никифорович Федоров сиэнэ) 5тыһ. уонна кубок; 🎊1998-2003с.с Ньурба улууһун ыччатын лидера, СӨ ыччат политикатын Туйгуна, СӨ култууратын Туйгуна Римма Ивановна Сидорова анал бирииһэ Даниил Ивановка (Антоновка) 5тыһ. наҕараадалар туттарылыннылар. Номинациялар : ⚽ “Лучший защитник” Николай Добрецов (Антоновка) 5 тыһ., ⚽ «Лучший вратарь» Сергей Моисеев (Антоновка) 5 тыһ., ⚽ «Лучший нападающий» Сергей Нахов (Күндээдэ-1), ⚽ “Лучший игрок” Наир Баснаев (Маар) Павел Платонов анал бирииһэ компрессор уонна кубок. Бука бары спортсменнарбытыгар бэртээхэй, нуучалыы эттэххэ зрелищнай оонньуулары бэлэхтээбиккитигэр барҕа махтал буоллун! Инникигит диэки эрэллээхтик хардыылаан, чөл олоҕу тутуһан, нэһилиэк, оройуон, өрөспүүбүлүкэ сайдыытыгар кылааккытын киллэрэ туруҥ, доруобай буолуҥ! Олохтоох дьаһалта