👍 Чурапчы улууһугар эбии үөрэхтээһин форумугар ситиһиилээхтик кытынныбыт
👍 Чурапчы улууһугар эбии үөрэхтээһин форумугар ситиһиилээхтик кытынныбыт Бэс ыйын 10-11 күннэригэр Чурапчы улууһун Мындаҕаайы ытык сиригэр "Кустук" оҕо сайыҥҥы лааҕырын уонна оскуола баазатыгар эбии үөрэхтээһин үлэһиттэрин өрөспүүбүлүкэтээҕи иккис форумугар Уус Алдан улууһун эбии үөрэхтээһинин педагогтара араас хайысхалаах маастар-кылаастарга, дискуссионнай былаһааккаларга, семинардарга, уран уустар түһүлэгэлэригэр, "Сыл методиһа" күрэххэ кыттан уопут атастастыбыт. Мүрүтээҕи эдэр натуралистар станцияларын дириэктэрэ Таисия Шамаева уонна оҕону эбии үөрэхтээһин киинин дириэктэри үөрэх иитии чааһыгар солбуйааччы Екатерина Ушницкая өрөспүүбүлүкэтээҕи "Юные якутяне" тирэх киин дириэктэрин бочуотунай грамоталарынан наҕараадаланныбыт. Эбии үөрэхтээһин киинин педагогтара: Евдокия Окоемова, Евгения Местникова, Матрена Леонтьева, Афанасий Карамзин, Екатерина Ушницкая, "Кэнчээри" ырыа, үҥкүү ансаамбылыттан Екатерина, Василий Парниковтар, Ульяна Ноговицына бэйэлэрин ааптарыскай бырайыактарын билиһиннэрэн үрдүк сыанабылы ыллылар, улахан уопуттарыттан үллэһиннилэр. «Лучший методист" күрэскэ “Өркөн" оҕо киинин методиһа, тирэх киин салайааччыта Галина Матвеева идэтин таһымын үрдэттэ, ааптарыскай бырайыагын кэпсээтэ. Уран уустар түһүлгэлэригэр ураты уран оҥоһуктарын туруоран, үгүс дьон биһирэбилин ыллылар. Быыстапкаҕа эбии үөрэхтээһин киин ойуулуур-дьүһүннүүр хайысха педагогтара: Н.Е. Семенова, П.М. Колодезников, А.Е. Константинова (Суотту филиала), Е.Д. Копырина (Лөгөй филиала) кытыннылар. Прокопий Колодезников ювелирнай, Ньургуяна Егорова туостан оҥоһукка бастакы миэстэни ылары ситистилэр. Улууспут делегацията эбии үөрэхтээһин үлэһиттэрин ситимниир иккис форумтан элбэх саҥа, сонун идеялары ылан, сүүрээннэри киллэрэн инники үлэбитигэр туһаныахпыт. Икки күннээх Чурапчыга эбии үөрэхтээһин форумугар Уус Алдан улууһуттан саамай элбэх киһилээх делегациялаах (32 киһи) бараммыт ситиһиилээхтик кыттан кэлбиппитигэр Уус Алдаммыт үөрэҕин салалтатыгар, чуолаан начальник Федор Татариновка, Иван Никоновка, Ирина Сивцеваҕа, Сайыына Портнягинаҕа бары эбии үөрэхтээһин үлэһиттэрин аатыттан ис сүрэхпититтэн махтанабыт. Эһиги күүстээх өйөбүлгүтүнэн, ис дууһаҕытынан кыһаллан төһө да харгыстартан иҥнэн турбакка баччалаах ыраах сиргэ бэйэҕитинэн барсан кыттыыны ылбыккыт биһиэхэ үс бүк тирэҕи, уонна күүстээх эрэли сахтыгыт. Биһиги түмсүүлээхпитин, улууспут чиэһин үрдүктүк тутар, кэнчээри ыччаппыт туһугар бары кыахпытын ууран кыһалларбытын көрдөрдүбүт, бэйэбит уопуппутун үллэһиннибит. Күндү салайааччыларбытыгар түмсүүлээх үлэни, саҥа саҕахтары баҕарабыт. ✍ Екатерина Ушницкая, "Өркөн" эбии үөрэхтээһин киинин методиһа @uamurusahargata @ulusmedia