Ытыктабыллаах улууспут — 30 июня 2026 г. в 01:15:25.825
Ытыктабыллаах улууспут олохтооторо уонна ыалдьыттара! От ыйын 1 күнүгэр, киэһэ 4 чаастан оҕо аймах сайыҥҥы сынньалаҥын туһалаахтык атаарарыгар анаан ырыа кэрэ эйгэтигэр уһуйар Россия Образцовай коллектива Светлана уонна Егор Неустроевтар «Тулуйхан» оҕо эстраднай студиялара Уус Алдан улууһугар айымньылаахтык үлэлээбитэ быйыл 20 сылын туолла. Быйылгы лааҕыр сезонугар улууспут оҕолоро 10 күн устата ырыаҕа утумнаахтык дьарыктанан бар дьонноругар анаан «Мүрүбүт барахсан» диэн кэнсиэри бэлэх ууналлар. Бу күн Эһиэхэ эрэ анаан Тулуйханнар саҥа ырыалара сүрэхтэниэхтэрэ. Бу лааҕырга оҕо сылдьан ырыаҕа уһуйуллубут саха филармониятын симфоническай хорун артыыската Светлана Индеева, улууспут талааннаах ырыаһыттара Туйаара Румянцева, Семен Орлов уонна лааҕыр оҕолорун төрөппүттэрэ кыттыыны ылыахтара. Кэлиҥ сылдьыҥ, оҕо саас ырыаларыгар дуоһуйа сынньаныҥ! Билиэттэр киириигэ 250 солкуобайга атыыланыахтара Б.т. 89142208656