МБУ ДО "Центр дополнительного образования детей"
Образование · 1 октября 2026 г.
💐Ытыктабыллаах бэтэрээннэрбитин, бары аҕам саастаахтары Аан дойдутааҕы аҕам саастаах д...
💐Ытыктабыллаах бэтэрээннэрбитин, бары аҕам саастаахтары Аан дойдутааҕы аҕам саастаах дьон күнүнэн эҕэрдэлиибит! Эһиги — биһиги дойдубут, улууспут киэн туттуута, тыыннаах устуоруйата буолаҕыт. Олоххут устата сыралаах үлэҕитинэн, үтүө майгыгытынан, дьулуургутунан эдэр көлүөнэҕэ чаҕылхай холобуру көрдөрөҕүт. 🤲🏻Учуутал идэтин бэтэрээннэригэр — барҕа махтал! Эһиги үүнэр ыччаты билиигэ-көрүүгэ уһуйан, кинилэр өйдөрүн-санааларын сайыннаран, төрөөбүт дойдуга бэриниилээх буоларга иитэн таһаарбыккыт. Хас биирдии үөрэнээччигитигэр кэрэни, үтүөнү, сырдыгы иҥэрбиккит үйэлэргэ хаалыаҕа. Улуукан үлэҕит-хамнаскыт инники көлүөнэлэр ситиһиилэрин төрдө буолар. 🙌🏼Бары аҕам саастаах дьоммутугар — сүгүрүйүү тыллара! Эһиги олоххут уустук кэмнэрин эрдээхтик туораан, билигин даҕаны эдэрдии эрчими, олоххо тапталы илдьэ сылдьаргытыттан үөрэбит. Эһиги муударай сүбэҕит-амаҕыт, үтүө санааҕыт, тулуургут биһиэхэ барыбытыгар күүс-көмө, дурда-хахха буолар. 💫Баҕарабыт күндү дьоммутугар уһун, дьоллоох олоҕу, чэгиэн доруобуйаны, оҕолоргут, сиэннэргит тапталларыгар, кыһамньыларыгар угуттанан, куруук үөрэ-көтө сылдьаргытыгар, хас биирдии күнтэн үөрүүнү, дьолу эрэ билэргитигэр!👏🏻👏🏻👏🏻