Габдулла Тукай шигырьләренә  күп кенә татар профессиональ композиторлары җырлар һәм көй...

Габдулла Тукай шигырьләренә  күп кенә татар профессиональ композиторлары җырлар һәм көйләр язган. Күренекле җырчылар, вокаль һәм  инструменталь коллективлар бу җырларны һәм көйләрне үз репертуарларында кулланып киләләр.  Сәнгать мәктәбендә әдәбиятыбыз күгендә балкыган йолдызларның иң яктысы, милли шигърияткә нигез салучы, бөек татар шагыйре Габдулла Тукайның 140 еллыгына  багышланган "Тукай һәм музыка" дип аталган гаять киң эчтәлекле әдәби-музыкаль кичә булып узды. Без – Тукайлы  халык, “Шүрәлеле”, “Туган телле”, “Әллүкиле” ... Бөек шагыйребез булу белән горурланабыз.