⚽️Чурапчы футболга кэскиллэрэ Таатта сиригэр ситиһиилээхтик кытыннылар! — 6 июня 2026 г. в 01:12:15.180
⚽️Чурапчы футболга кэскиллэрэ Таатта сиригэр ситиһиилээхтик кытыннылар! 🌟Бэс ыйын 1 күнүгэр Чурапчыттан икки хамаанда тэринэн, Таатта улууһугар ыытыллыбыт өрөспүүбүлүкэтээҕи турнирга тренер Захаров В.В. салалтатынан кыра саастаах бөлөххө (3–5 кылаастар) баран кыттыыны ыллылар. Уопсайа 7 хамаанда төгүрүк тиһигинэн (по круговой) күүстэрин боруобаластылар.«Чурапчы-2» хамаанда: Бу кэрдиискэ биһиги саҥа үүнэн эрэр кэскиллэрбит, үгүстэрэ 3-с кылаас оҕолоро киирдилэр. Кинилэр бэйэлэрин күүстэрин бэрткэ холоннулар. Бу сырыыга миэстэлэспэтэхтэрин да иһин, кинилэргэ бу улахан уопут буолара саарбахтаммат. Ону таһынан, бастакы хамаандаларыгар ыалдьааччы буоланнар, «командный дух» диэн тугун бэйэлэринэн көрөн-билэн кэллилэр. «Чурапчы-1» хамаанда: Бэйэ саастыылаахтарын кытары күүрээннээхтик күөн көрсүһэн, олус тыҥааһыннаах оонньуулартан кыайыылаах таҕыстылар. Түмүктүүр оонньууларыгар эмиэ бэрт таһымнаахтык киирсэн, бочуоттаах 2-с миэстэни ылары ситистилэр! Оҕолорбут өссө биир күрэх уопутун ылынан, дьиэлэригэр үөрэ-көтө төнүннүлэр. ⚽️Бу буолбут тэрээһиҥҥэ хомуллан барыыбытыгар көмөлөспүт күндү төрөппүттэрбитигэр махтал! Оҕолору бэйэ тырааныспарынан таһан, күүс-көмө буолан, кинилэргэ бу күрэхтэһии өрөгөйүн бэлэхтээбиккитигэр барҕа махтал буоллун! 👏👏