Бүгүн Саха сирин тустуутун устуоруйатыгар уонна Чурапчыбыт улууһугар биир саамай бэлиэ,...
Бүгүн Саха сирин тустуутун устуоруйатыгар уонна Чурапчыбыт улууһугар биир саамай бэлиэ, үөрүүлээх күн! Көҥүл тустууга аан дойду призера, Саха АССР успуордун үтүөлээх маастара, ССРС успуордун маастара, ытык киһибит Семен Прокопьевич Макаров томточчу 75 сааһын туолла! Салайааччы, иитээччилэр уонна кэлэктиип аатыттан ис сүрэхтэн тахсар саамай сылаас, истиҥ эҕэрдэбитин тиэрдэбит! Семен Прокопьевич — улуу тириэньэр Дмитрий Петрович Коркин кыһыл көмүс буукубаларынан суруллубут оскуолатын биир чаҕылхай үөрэнээччитэ. Кини 17 эрэ сааһыгар АХШ Боулдер куоратыгар ыытыллыбыт уолаттарга аан дойду маҥнайгы чөмпүйэнээтигэр боруонса мэтээли ылан, ыраах Саха сириттэн сылдьар уолаттар аан дойду таһымыгар тустар кыахтаахтарын бастакынан дакаастаабыта, тыһыынчанан оҕону успуортка кынаттаабыта. Биһиги, Чурапчытааҕы оҕо-ыччат успуордун оскуолатын кэлэктиибэ, Семен Прокопьевиһынан өрүү киэн туттабыт! Кини бочуоттаах сынньалаҥҥа тахсыар диэри биһиги оскуолабытыгар өр сылларга директоры үөрэх-иитэр үлэҕэ солбуйааччынан уонна методиһынанис сүрэҕиттэн айымньылаахтык, үрдүк таһымнаахтык үлэлээбитэ. Кини мындыр салайааччы, үтүө сүбэһит быһыытынан оскуолабыт сайдарыгар, үгүс үрдүк таһымнаах тустууктар уонна тириэньэрдэр үүнэн-сайдан тахсалларыгар улахан кылаатын киллэрбитэ. Бу бэлиэ күҥҥэ өссө биир улахан үөрүүбүт — Семен Прокопьевич тапталлаах кэргэнин Евдокия Афанасьевналыын биир тыыннанан, өйөһөн-өйдөһөн олорбуттара 50 сылын — Кыһыл көмүс сыбаайбаларын бэлиэтииллэр! Ытык Семен Прокопьевичка уонна Евдокия Афанасьевнаҕа чиэһинэй, дьоһун олохторун, успуортка уонна оҕону иитиигэ анаабыт сыралаах үлэлэрин иһин дириҥ махталы тиэрдэбит! Кытаанах доруобуйаны, уһун дьоллоох олоҕу. Аал уоккут сылааһа хаһан да уостубатын, дьиэҕит дьолунан-соргунан туоллун!