МД

МБУ ДО ДЮСШ им. В.П. Карпова Чурапчинского улуса

Школы и вузы · 6 ноября 2026 г.

Открыть канал в MAX

🏆Виктор Илларионов түһүлгэтин кыайыылаахтара ааттаннылар🎖️

🏆Виктор Илларионов түһүлгэтин кыайыылаахтара ааттаннылар🎖️ Бэҕэһэээ-бүгүн о.э сэтинньи 5-6-с күннэригэр, ефрейтор, «Эр санаа» уонна Георгиевскай кириэс IV-c степеннээх уордьан кавалера, көҥүл тустууга РФ успуордун маастара, Дмитрий Коркин аатынан интэринээт-оскуола биир чаҕылхай иитиллээччитэ Виктор Илларионов сырдык кэриэһигэр анаммыт өрөспүүбүлүкэтээҕи аһаҕас турнир Александр Федотов аатынан успуорт уораҕайыгар ыытылынна. Бу тэрээһин — өлбөт-сүппэт үйэлэнии, хорсун быһыы уонна успуорт быстыспат ситимнэрин дьоһуннаах холобурунан буолла. Виктор успуорка уонна Ийэ дойдуга сулууспалааһыҥҥа биир тыыннаах байыас этэ. Кини көҥүл тустууга успуорт маастара, кыайыыга дьулуурдаах, кытаанах санаалаах бөҕөс этэ. Көбүөргэ кини кыайыыга дьулуурун, тиэхиньикэтин, кыайыыга дьулуһан туран киирсэр ньыматын көрдөрөрө. Александр Федотов аатынан успуорт уораҕайыгар икки күн устата ураты тыыннанан ылла. Барыта холбоон 6 улуустан 200-тэн тахса кыттааччы 28–60 киилэттэн үөһэ ыйааһыннарга көбүөргэ тахсыбыт уолаттар бастыыр иһин кииристилэр. Кыайыылаахтары наҕараадалааһын сиэрин-туомун кэнниттэн төрөөбүт сылларынан чөмпүйүөннээбит бөҕөстөргө сэрэбиэй тартаран икки сүрүн бирииһи оонньоттулар: 2012-2013 сыллааҕы төрүөх уолаттарга “Чурапчы улууһа” МО дьаһалтата туруорбут Айпад планшеты Мэҥэ Хаҥалас улууһун Хара нэһилиэгин бөҕөһө Марк Артемьев сүүйэн ылла. Онтон 2014-2015 сыллааҕы төрүөх уолаттарга “Чурапчы нэһилиэгэ” ТСТ дьаһалтата уонна улуустааҕы үөрэх управлениета туруорбут 30 тыһыынча солкуобайы Амма улууһун бөҕөһө Слава Окороков ылан барда. Сэмэн ЖЕНДРИНСКЭЙ. Ааптар хаартыскаҕа түһэриитэ, ылылынна: санаолох.рф/viktor-ill...