II республиканскай эбии үөрэх педагогтарын форума — 18 июня 2026 г. в 09:37:33.671
II республиканскай эбии үөрэх педагогтарын форума Бэс ыйын 9-11 күннэригэр Чурапчы улууһун Мындаҕаайы нэһилиэгэр иккис төгүлүн ыытыллыбыт республиканскай эбии үөрэх педагогтарын Форумугар Сунтаар улууһуттан Борис Николаевич АНДРЕЕВ аатынан Элгээйитээҕи региональнай музейнай экологическай киин директора ИВАНОВА Анна Серафимовна уонна үрдүк категориялаах, "Сүрэхпин эйиэхэ аныыбын" республиканскай күрэс естественно-научнай хайысха кыайыылааҕа ИВАНОВА Нюргустана Прокопьевна кыттыыны ыллылар. Үс күннээх форум чэрчитинэн "Методист года", "Профгид" күрэхтэри көрөн, араас хабааннаах маастар кылаастарга кыттан, "Экологическое просвещение" семинарга үлэлэрин уопуттарын тарҕатан, Чурапчы-Уус-Алдан-Сунтаар эбии үөрэх тэрилтэлэрэ буолан аны кыһын сетевой проект оҥорорго сүбэлэстилэр. Форумҥа республика араас муннугуттан мустубут талааннаах педагогтар "Уран уустар түһүлгэлэрин" выставката үрдүк таһымҥа тэрилиннэ. Халлааммыт төһө да ардаатар Чурапчы оҕолоро бэртээхэй эҕэрдэ кэнсиэр туруоран, Саха Республикатын үөрэҕин уонна наукатын миниистирэ СОКОЛОВА Нюргуна Афанасьевна, Чурапчы улууһун баһылыга САРГЫДАЕВ Степан Анатольевич эҕэрдэ тылларын тиэртилэр, кэлбит ыалдьыттары маанылаан көрүстүлэр. Форум түмүгүнэн уопсайа 36 араас көрүҥнээх тэрээһиннэри "Юные якутяне" Республиканскай ресурснай киин үлэһиттэрэ үрдүк таһымҥа тэрийэн ыыттылар.