Муус устар 10 күнүгэр «Сарыал» култуура киинигэр Саха омуктарыттан бастакы профессионал... — 13 апреля 2026 г. в 08:00:20.272
Муус устар 10 күнүгэр «Сарыал» култуура киинигэр Саха омуктарыттан бастакы профессиональнай композитор, бастакы саха хорун, саха национальнай рота духовой оркестрын тэрийээччитэ, сахалыы ырыалар ноталарын хомуурунньуктарын ааптара, профессиональнай сахалыы музыка сайдыытын саҕалаабыт, Дьокуускайдааҕы национальнай театрын норуот инструменнарын оркестрын, Саха сиригэр бастакы хомус ансамбылын тэрийээччи Адам Васильевич Скрябин 130 сыллаах үбүлүөйүгэр ананар Хаҥалас улууһун нэһилиэктэрин икки ардыгар ыытыллар уус-уран самодеятельность улуустааҕы хор-бэстибээлин көрүүтэ буолан ааста. Быйыл улуус хорун бэстибээлэ Российскай Федерацияҕа норуоттар сомоҕолоһууларын, Саха Өрөспүүбүлүкэтигэр култуура, Хаҥалас улууһугар сомоҕолоһуу уонна айымньы сылларын чэрчитинэн ыытыллар. Хор көрүүтүгэр дьүүллүүр сүбэнэн үлэлээтилэр: 1. Хаҥалас улууһун оҕо театрын оскуолатын салайааччыта, академическай вокал преподавателя, Саха Өрөспүүбүлүкэтин култууратын туйгуна, дьүүллүүр сүбэ бэрэссэдээтэлэ Александра Ивановна Афанасьева. 2. Хаҥалас улууһун Арчы дьиэтин уус-уран салайааччыта, Саха Өрөспүүбүлүкэтин култууратын үтүөлээх үлэһитэ Мотрена Егоровна Гаврильева. 3. Хаҥалас улууһун култуура уонна духовность сайдыытын управлениятын сүрүн специалиһа, Саха Өрөспүүбүлүкэтин култууратын бочуоттаах үлэһитэ Ульяна Михайловна Ноева. 4. Покровскай куорат оҕо искусствотын фортопиано отделениятын преподавателя, Саха Өрөспүүбүлүкэтин култууратын бочуоттаах үлэһитэ Людмила Степановна Артамонова. 5. Хаҥалас улууһун Арчы дьиэтин специалиһа, Саха Өрөспүүбүлүкэтин култууратын туйгуна, видеограф Мария Гаврильевна Федулова. Хор толоруутугар Хачыкаат нэһилиэгин туһунан ырыа. Олохтоох поэт Альбина Софроняева тылларыгар уонна матыыбыгар «Хачыкаат мин дойдум барахсан!» Ону кытта С. Тимофеев тылларыгар, Ф. Лобанов матыыбыгар «Доҕордоһуу ырыата!» Бэлэмнээтилэр «Сарыал» култуура киинин үлэһиттэрэ, Хачыкааттааҕы музыкальнай оскуола преподователлэрэ. Хору доҕуһуоллаата Саха Өрөспүүбүлүкэтин култууратын туйгуна, Хачыкааттааҕы оҕо искусстватын оскуолатын народнай инструменнар отделениятын преподавателя Елена Михайловна Галимон. Дирижердаата Хачыкааттааҕы оҕо искусстватын оскуолатын фортепианоҕа уонна вокалга преподователя Руслана Руслановна Платонова. Дьуулуур субэ бэйэлэрин санааларынан уллэьиннилэр, салгыы тупса турун диэн ба5а санааларын эттилэр. О5о искусствовтын оскуолатын уьуйааччыларыгар, чуолаан Галимон Елена Михайловна5а, Платонова Руслана Руслановна5а Махтал тылларын эттилэр.