Олунньу 28 күнүгэр «Арассыыйа — мин устуоруйам» түмэлгэ «Айыы — айыллыы» диэн аһымал ай... — 5 марта 2026 г. в 10:51:45.522
Олунньу 28 күнүгэр «Арассыыйа — мин устуоруйам» түмэлгэ «Айыы — айыллыы» диэн аһымал айар таҥас көрдөрүү ситиһиилээхтик ааста.П П.Колодезников аатынан о5о ускуустуба оскуолатын выпускникцата сыыппара ойууһута Туйаара Стручкова тус быыстапкатын иһинэн тэрээһин биир сиргэ 222 кыттааччыны түмтэ. Томпоттон, Уус-Алдантан, Мэҥэ-Хаҥаластан, Хаҥаластан, Намтан уонна Дьокуускай куораттан 15-тэн тахса айар кэлэктиип кыттыыны ылла. Мэнэ-Алдан 11 кылааҺын үөрэнээччилэрэ кыл-сиэл оҥоҺуктарынан кыттан ис сүрэхтэн кырачаан оҕо чөл доруобуйаланарыгар көмө буолла. Да5атан этэххэ, Мэнэ-Алдантан эрэ буолбакка бүтүн Томпо оройуонун аатыттан кытыннылар диэтэхпинэ сыыспатым буолуо. Үтүө санаалаах кэлбит ыалдьыттарга, Марина Ивановна Колодезникова сиэлинэн өрүллубут ситиитинэн салама баайтаран, медцентрга эмтэнэр о5о5о харысхал быьыытынан туттарылынна. Туйаара сыыппараҕа ойуулаан дьүһүйүүлэрэ сыана ускуустубатын кытта дьүөрэлии тутуллан, дьикти кэрэ эйгэҕэ киллэрдэ. Ыытааччылар, НВК «Саха» бэрэстэбиитэллэрэ, Дьулус Иванов уонна Ньургуйаана Ботуева буоллулар. СӨ Ил Түмэнин Судаарыстыбаннай Мунньаҕын бэрэссэдээтэлин солбуйааччы А.Г. Подголов тэрийээччилэргэ махтал суруктарын туттарда. Мэҥэ Алдан нэһилиэгин баһылыга Юрий Коммисаров, баһылык солбуйааччыта Олимпиада Колодезникова уонна норуодунай суруйааччы Егор Неймохов кэргэнэ Мария Неймохова Туйаара5а сыралаах үлэлэрин сыаналаан "Саха норуодунай суруйааччыта 75 сыла" диэн анал бэлиэни туттардылар. Биһиги оҕолорбут – биһиги кэскилбит, кинилэр дьоллоох олоҕу олороллоругар хас биирдиибит көмөтө суолтата улахан!