Олунньу 13 күнэ-төрөөбүт төрүт тыл уонна сурук-бичик күнэ. — 13 февраля 2026 г. в 05:06:41.614
Олунньу 13 күнэ-төрөөбүт төрүт тыл уонна сурук-бичик күнэ. Саха тыла олус баай. Ол эрээри, күн ахсын төрөөбүт тылбыт сүмэтэ сүтэн-симэлийэн иһэр. Э.К.Пекарскай "Саха тылын быһаарыылаах тылдьытыгар" күн ахсын туттуллубат буолбут, эргэрбит тыллары уонна сөптөөх быһаарыыларын тэҥнээн көрүөҕүҥ: *Амыдай* кими эмэ кытта биир ааттаах киһи. *Баҕарах* - от үрэх, сыһыы кэтирээн кэҥиир сирэ. *Бааччы* - киһи иһин бобо тардынар эбэтэр сиһигэр баанар кэтит ичигэс кура. *Дьуос* - саха ууһа охсор түөрт кырыылаах тоһоҕото. *Ирбээнньик* - туох эмэ түргэнник дьиримнээн көстөрө. *Көөбүл* - эрбээтэххэ тахсар мас кыырпахтара. *Лаҥха*- үүнэ-үүнэ охтон дьапталлыбыт сытыган кур от. *Маҕалай* - киһи, кыыл аһыыр органнара-айаҕа, куолайа, куртаҕа. *Матаҕа* - тугу эмэ угарга эбэтэр кутарга аналлаах сүөһү эбэтэр балык тириитэ кыра хаа. *Оппуос* - хайаҕа, сыырга тахсар аартык, дабаан суол. Сахабыт тылын умнумуох! Төрүт тылы сайыннарыах! Өбүгэбит тылынан киэн туттуох!