Кулун тутар 27 күнүгэр М.Н.Жирков аатынан Дьокуускайдааҕы музыка колледжын дьиэтигэр Н.... — 1 апреля 2026 г. в 05:34:27.527
Кулун тутар 27 күнүгэр М.Н.Жирков аатынан Дьокуускайдааҕы музыка колледжын дьиэтигэр Н.С.Шишигин аатынан "Дьүрүһүй, хомуһум!" диэн өрөспүүбүлүкэтээҕи оҕолорго аналлаах хомуска оонньооччулар күрэхтэрэ буолан ааста. Күрэххэ Амма, Үөһэ Дьааҥы, Үөһэ Халыма, Бүлүү, Горнай, Мэҥэ Хаҥалас, Мииринэй, Нам, Ньурба, Томпо, Таатта, Уус Алдан, Уус Дьааҥы улуумтарыттан, Хатас бөһүөлэгиттэн уонна Дьокуускай куораттан барыта 81 солист-толорооччу, 36 ансаамбыл кыттыыны ылла. П.П.Колодезников аатынан оҕо ускуустуба оскуолатын фольклор кылааһын үөрэнээччилэрэ (сал. Захарова А.П.) бу күрэххэ хаһыс да төгүлүн кытталлар. 6 кылаас үөрэнээччитэ Мичийээнэ Кириллова соҕотох толорууга бастакытын холонон көрдө. Быйылгы күрэх уратытынан, 9-11кылаас үөрэнээччилэрэ иккилии айымньыны толордулар. Ол курдук, бастакы айымньы традиционнай ньыманан, иккис, импровизация. Түмүккэ , "Сыгыйык" бөлөх Лауреат 2-ккис истиэпэнээх Лауреата үрдүк аатын сүгэн, грамотанан, "Мой кейс" маҕаһыынтан сертификат тутан үөрэн-көтөн кэллилэр. Оҕолор төрөппүттэригэр махталбын уонна эҕэрдэбин тиэрдэбин. Оскуола директорыгар Калачёва В.Г. уонна суоппарбытыгар Калачёв Г.Г. истиҥ баһыыбабытын этэбит.