Ыам ыйын 2 күнүгэр Аан Дойдутааҕы үҥкүү күнүгэр уонна Саха Республикатын күнүгэр аналла... — 2 мая 2026 г. в 12:53:03.620
Ыам ыйын 2 күнүгэр Аан Дойдутааҕы үҥкүү күнүгэр уонна Саха Республикатын күнүгэр аналлаах "Үҥкүү кэрэ эйгэтэ" диэн күрэх буолан ааста. Бу күрэх "Өймөкөөн тымныы оройо" тыа сирин түөлбэлэрин икки ардыларынааҕы культура уонна спорт эстафетатын чэрчитинэн ыытылынна. Күрэх үс этаптаах буолла, ол курдук 1 этап- Сахалыы, 2-бэйэ талбыт үҥкүүтэ, 3- капитаннар күрэхтэрэ. Түөлбэлэр ох курдук оҥостон, кыралыын улаханныын, кырдьаҕастыын эдэрдиин туора турбакка түмсэннэр үҥкүү кэрэ хамсаныыларын дьоҥҥо сэргэҕэ бэлэхтээтилэр, бэйэлэрин сатабылларын көрдөрдүлэр, саҥа таҥас тиктэннэр үҥкүү кэрэ алыбар уйдардылар. Үҥкүү дьоро киэһэтин "Дьүөрэл" оҕо үҥкүү ансаамбыла киэргэттэ, көрөөччүлэр биһирэбиллэрин ылла. Дьүүллүүр сүбэ түмүгүнэн 1 миэстэ Кэскил түөлбэ, 2 миэстэ Түмсүү, 3 миэстэ Сайдыы, 4 миэстэ Кытыл түөлбэ буоллулар. Кыттааччыларга, көрөөччүлэргэ, үлэлэспит бары дьоммутугар барҕа махтал таптал буолуохтун.