Маалтааны нэһилиэгэ төрүттэммитэ 120 сылыгар аналлаах, — 19 июня 2026 г. в 09:48:38.456
Маалтааны нэһилиэгэ төрүттэммитэ 120 сылыгар аналлаах, Үрүҥ тунах Ыһыаҕар ыытыллар “КИЭРГЭЛЛЭЭХ ТҮҺҮЛГЭБИТ МААНЫЛААХ ТАҤАҺА” саха таҥаһын күрэһин ТОСХОЛО 🌿🌿🌿🌿🌿🌿🌿🌿🌿🌿🌿🌿🌿🌿🌿 Ыытыллар күнэ – дьыла: Бэс ыйын 2️⃣0️⃣ күнэ 2️⃣0️⃣2️⃣6️⃣ сыл. Буолар сирэ: Сынньалаҥ паарката Тэрийээччилэр: Кэптиннээҕи сынналаҥ киинэ. Сыала – соруга: 📍Саха омук төрүт үгэскэ олоҕурбут таҥнар таҥас ураты көстүүтүн, быһыытын – таһаатын, ойуутун – мандарын сайыннаран эдэр көлүөнэҕэ тиэрдии, үйэтитии, сөргүтүү; 📍Иис култууратын, симэх үгэстэрин киэҥник тэнитии; 📍Айар талааннаах саҥа ааттары арыйыы, бастыҥ ньымаларын тарҕатыы, тэнитии, үлэлэрин дьон сыанабылыгар таһаарыы; Күөн – күрэс ирдэбиллэрэ: 🔸Күрэскэ кыттааччы сахалыы таҥнан – симэнэн таҥаһын билиһиннэрэн кэпсиир; 🔸Күрэс таҥаһа – саба толорута, ситэритэ ирдэнэр (илин, кэлин кэбиһэр, бастыҥа, кур, дэйбиир, сиэдэрэй бэргэһэ, сэлээппэ, атах таҥаһа, быһаҕа, уо.д.а.), аныгылыы моһуоннаах, ураты көстүүлээх таҥас биһирэнэр; 🔸Күрэскэ - эрдэ көстө сылдьыбыт, күрэстэргэ кыттыыны ыла сылдьыбыт, оскуола үбүлүөйүгэр анаммыт таҥас сыаналаммат; Күрэскэ кэнчээри ыччат кыттар: 🔺Уһуйаан иитиллээччилэрэ; 🔺Оскуола үөрэнээччилэрэ; Күрэс сыанабыла, наҕараадалааһын: 🔹Сахалыы таҥас саха ииһин үгэстэрин тутуһан тигиллиитэ; 🔹Саха таҥаһыгар төрүт үгэстэринэн оһуору-мандары сөпкө туттуу; 🔹Сыанаҕа таҥаһы сөптөөхтүк туттан-хаптан көрдөрүү; 🔶Күрэс түмүгүнэн дьүүллүүр сүбэ муҥутуур кыайыылаахтары быһаарар, бары кыттыбыттарга кыттыы иһин туоһу суруктары туттарар.