Кыһыны атаарыы бырааһынньыга нуучча норуотугар былыр-былыргыттан баара бэлиэтэнэр. Кыһы... — 12 апреля 2026 г. в 23:29:24.431
Кыһыны атаарыы бырааһынньыга нуучча норуотугар былыр-былыргыттан баара бэлиэтэнэр. Кыһыҥҥы улук ууттан айылҕа уһуктуутун, күн уһуурун уруйдуур үөрүүлээх бырааһынньык «Масленица» диэн ааттанан, бу үтүө үгэс көлүөнэттэн-көлүөнэҕэ тириэрдиллэн күн бүгүнүгэр тиийэ ыытыллан кэллэ. Биир сиргэ түөлбэлээн, доҕордуу олорор омуктар буоларбыт быһыытынан, сахалар бу үтүө үгэһи ылынан сыллата кырыа кыһыммытын атаарабыт, сандал сааһы уруйдуубут. Ол курдук, Муус устар 12 күнүгэр Октябрьскайбыт нэһилиэгэр Л.С. Щербакова аатынан култуура киинигэр «САНДАЛ СААС» кыһыны атаарыы тэрээһинэ өрө көтөҕүүлээхтик буолан ааста. Тэрээһин чэрчитинэн: Улахан дьоҥҥо: көлөһө, хаатыҥка быраҕыыта күрэстэр, кэрэ аҥаардарга 5 кг бурдуктаах саахары өрө көтөҕүү ыытылыннылар. Маны таһынан нэһилиэкпит тэрилтэлэрин икки ардыларыгар күрэс ыытыллынна. «Айылгы» оҕо уһуйаана нуучча уонна С.Г. Ковров аатынан Күөрэлээх орто оскуолатын коллектива саха норуотун культуратын, аһын-үөлүн билиһиннэрэн, визитка толкуйдаан, талаан көрдөрөн, ону таһынан көлөһө төкүнүтэн, оскуома саайан уонна канат тардан күрэскэ кытыннылар. Уопсай түмүккэ кыттыбыт икки хамаанда тэҥнэһэн - доҕордоһуу өрөгөйдөннө. Бу курдук үөрүү-көтүү аргыстаах тэрээһиммит Күөрэлээхпит бөһүөлэгин дьонун-сэргэтин түмэн сандал сааспытын бэркэ көрүстүбүт. Оскуолабыт хамаандатыгар эҕэрдэ👍👏🏻👏🏻👏🏻Өрүүтүн да маннык көхтөөх буолуҥ, дьолу-саргыны, доруобуйаны баҕарабыт!